សហរដ្ឋអាមេរិក និងអ៊ុយក្រែនបន្តកិច្ចចរចានៅទីក្រុងហ្សឺណែវ (ស្វីស)
27/02/2026 08:40
(VOVWORLD) - សហរដ្ឋអាមេរិក និងអ៊ុយក្រែនបានបន្តកិច្ចចរចានៅទីក្រុងហ្សឺណែវ (ស្វីស) នាថ្ងៃទី ២៦ ខែកុម្ភៈ ដើម្បីពិភាក្សាលើការស្ថាបនាឡើងវិញក្រោយជម្លោះ និងត្រៀមរៀបចំសម្រាប់កិច្ចប្រជុំបន្តជាមួយរុស្ស៊ី។ ប្រធានបទមួយក្នុងដែលត្រូវបានពិចារណាដោយភាគីទាំងពីរគឺកញ្ចប់វិបុលភាព រួមទាំងយន្តការសម្រាប់ការគាំទ្រសេដ្ឋកិច្ច និងការស្តារឡើងវិញសម្រាប់អ៊ុយក្រែន ឧបករណ៍ទាក់ទាញការវិនិយោគ និងក្របខ័ណ្ឌកិច្ចសហប្រតិបត្តិការរយៈពេលវែង។
មុននោះ នាថ្ងៃដដែល ប្រធានាធិបតីសហរដ្ឋអាមេរិក លោក ដូណាល់ ត្រាំ បានជួបសន្ទនាតាមទូរស័ព្ទជាមួយសមភាគីអ៊ុយក្រែន លោក វ៉ុលដូឌីមៀរ ហ្សេលេនស្គី ទាក់ទងនឹងបញ្ហាដែលបានពិភាក្សាដោយក្រុមចរចារបស់ប្រទេសទាំងពីរក្នុងអំឡុងពេលជំនួបទ្វេភាគីនៅទីក្រុងហ្សឺណែវ ក៏ដូចជាការរៀបចំសម្រាប់កិច្ចប្រជុំត្រីភាគីរវាងសហរដ្ឋអាមេរិក រុស្ស៊ី និងអ៊ុយក្រែននៅដើមខែមីនាខាងមុខ។ គណៈប្រតិភូរបស់ប្រទេសទាំងបីបានរៀបចំកិច្ចចរចាពីរជុំនៅទីក្រុងអាប៊ូដាប៊ី (សហព័ន្ធអេមីរ៉ាតអារ៉ាប់រួម) កាលពីថ្ងៃទី ២៣-២៤ ខែមករា និងថ្ងៃទី៤-៥ ខែកុម្ភៈ ហើយបន្ទាប់មកគឺជុំចរចានៅទីក្រុងហ្សឺណែវនៅថ្ងៃទី១៧-១៨ ខែកុម្ភៈ ប៉ុន្តែមិនទាន់សម្រេចបានកិច្ចព្រមព្រៀងលើបញ្ហាសំខាន់ៗនៅឡើយទេ៕
TAG
VOV/VOVworld/សហរដ្ឋអាមេរិក/អ៊ុយក្រែន/កិច្ចចរចា/ស្វីស
Related
