ប្រធានសម្ព័ន្ធភាពសភាអឺរ៉ុប សមាជិក សភា លោក W.Langen  មានដំណើរទស្សនកិច្ចនៅវៀតណាម (Image: baodientu.chinhphu.vn) (VOVworld) – ដំណាក់កាលបច្ចុប្បន្នគឺជារបត់សំខាន់នៃទំនាក់ទំនង EU - វៀតណាម។ នេះគឺជាការអះអាងរបស់ប្រធានសម្ព័ន្ធភាពសភាអឺរ៉ុប សមាជិកសភា លោក W.Langen ដែលត្រូវបាននាំចេញក្នុងសន្និសីទការសែតនៅទីក្រុង ហាណូយ នាថ្ងៃទី ៣០ តុលា។ ថ្លែមតិនៅទីនេះ សមាជិកសភា W.Langen បានអបអរសារទចំពោះសមិទ្ធិដែលវៀតណាម ទទួលបានក្នុងរយៈពេលកន្លងមក ព្រមទាំង វាយតំលៃថា៖ EU គឺជាទីផ្សារនាំចេញធំបំផុត របស់វៀតណាម និង​ វៀតណាមគឺជាដៃគូពាណិជ្ជកម្មសំខាន់របស់ EU ផងដែរ។ ទន្ទឹម នឹងនោះ លោក W.Langen ក៏មានក្តីសង្ឃឹមថា៖ កិច្ចព្រមព្រៀងពាណិជ្ជកម្មសេរី (FTA) និងកិច្ចព្រមព្រៀងដៃគូនិងសហប្រតិបត្តិការលើគ្រប់វិស័យ (PCA) រវាង វៀតណាមនិង EU នឹងត្រូវបានចុះហត្ថលេខាយ៉ាងឆាប់ៗ។ ការជោគជ័យនេះនឹង រួមចំណែកអភវិឌ្ឍន៍សក្តានុភាពខាងសេដ្ឋកិច្ចពាណិជ្ជកកម្មនិងវិនិយោគទ្វេភាគី ឲ្យបានខ្លាំងក្លាថែមទៀត៕