(VOVworld) - ក្នុងសប្ដាហ៍កន្លងទៅ កាណាល់ផ្សាយជាភាសាបរទេសនៃវិទ្យុសម្លេង វៀតណាមទទួលបានសំបុត្រចំនួន២០៣របស់មិត្តអ្នកស្ដាប់មកពី ប្រទេសនិងដំបន់ ដែនដីចំនួន៤២។ក្នុងនោះកម្មវិធីផ្សាយជាភាសាខ្មែរទទួល បានសំបុត្រចំនួន៣រ បស់មិត្តអ្នក​ស្ដាប់នៅខេត្តកំពង់ស្ពឺ កម្ពុជា។ក្នុងនោះមិត្ត នូ សុផូ បានសួរថា៖ ក្នុងកម្ម វិធីបទយកការណ៍ថ្មៃសៅរ៍ថ្មីៗនេះ ខ្ញុំបានស្ដាប់អត្ថបទ ស្ដីអំពីពិធីដង្ហែរគ្រែស្នែង របស់ស្តេច Quang Trung និងព្រះមហាក្សត្រយានី Ngoc Han នៅពិធីបុណ្យទួល Dong Da ទីក្រុងហាណូយ។ខ្ញុំមានការចាប់អារម្មណ៍យ៉ាង ខ្លាំងចំពោះអត្ថន័យ ការរៀបចំ ដ៏មហោឡារឹកនៃពិធីបុណ្យនេះ ហើយចង់ស្វែងយល់ ថែមទៀតអំពី ផ្នែកផ្សេងៗនៅក្នុងពិធីបុណ្យ។ដូច្នេះក្នុងកម្មវិធីប្រអប់មិត្តអ្នកស្ដាប់ ថ្ងៃនេះ យើងខ្ញុំ សូមឧទ្ទេសនាមជាមួយអស់លោកអ្នកនាងអំពីពិធីដង្វាយគ្រឿងសំ ណែនរំលឹក គុណូបការៈសេ្ដច Quang Trung នៃពិធីបុណ្យទួល Dong Da។ មិត្តនូ សុផូ និងលោកអ្នកនាងជាទីមេត្រី ជាធម្មតា ពិធីដង្វាយគ្រឿងសំណែនរំលឹកគុណូបការៈ នឹងប្រព្រឹត្តទៅបន្ទាប់ពីពិធី ដង្ហែរគ្រែស្នែងរបស់សេ្ដចនិងព្រះមហាក្សត្រយានី។ក្រោយពីគ្រែស្នែងទាំង២នេះ ត្រូវបានដង្ហែរចូលទីសក្ការបូជានៅមុខស្ដូបគោរពវិញ្ញាណក្ខ័ន្ទរបស់ស្ដេច Quang Trung មក ក្រុមធ្វើសក្ការបូជានានានឹងដំណើរការធ្វើពិធីដង្វាយគ្រឿងសំណែន និងអុធធូប។ប៉ុន្តែក្នុងប៉ុន្មានឆ្នាំកន្លងនេះ ដោយសារបរិមាណក្រុមធ្វើសក្ការបូជា ចូលរួមពិធី បុណ្យកាន់តែច្រើនពី១ថ្ងៃទៅ១ថ្ងៃ ដូច្នេះហើយដើម្បីសន្សំសំចៃពេល វាលាសំរាប់ ពិធីស្នូលផ្សេងៗ គណៈចាត់តាំងបានអនុញ្ញាត្តិឲ្យបណ្ដាក្រុមធ្វើ សក្ការបូជាម្ចាស់ការ អនុវត្តពិធីដង្វាយគ្រឿងសំណែន មុនពិធីដង្ហែគ្រែស្នែងចាប់ ផ្ដើមឡើងតែប៉ុណ្ណោះ។ក្រុមធ្វើសការៈបូជានិមួយៗ នឹងត្រៀមរៀបចំគ្រឿងសំ ណែនដោយខ្លួនឯង។បងស្រី Nguyen Thi Thuan ប្រធាន ក្រុមធ្វើសក្ការបូជានៃខ័ណ្ទ Hoang Mai នៅទីក្រុងហាណូយបានឲ្យដឹងថា៖ ក្រុមធ្វើសក្ការបូជារបស់បងស្រី Nguyen Thi Thuan ដង្វាយគ្រឿងសំណែនស្ដេច Quang Trung “គ្រឿងសំណែនរួមមានទៀន ធូប ផ្កា តែ ផ្លែឈើ និងម្ហូបអាហារ។ប្រសិនបើក្រុម ណានៅឆ្ងាយពេក គឺត្រូវត្រៀមរៀបចំដូច្នេះជាការស្រេច។រីឯក្រុមនានានៅក្នុងទី ក្រុង ហាណូយ គឺតែងតែត្រៀមរៀបចំបន្ថែមមាន់ស្ងោឫជ្រូកខ្វៃ១ក្បាល”។ បណ្ដាក្រុមធ្វើសក្ការបូជាមានរបៀបអនុវត្តពិធីថ្វាយគ្រឿងសំណែនខុសពីគ្នា។ក្រុមមួយចំនួនដែលអនុវត្តដ៏សាមញ្ញណាស់ដូចជាដាក់ដង្វាយគ្រឿងសំណែន លើកដៃប្រណមស្ដេចជាការស្រេច ប៉ុន្តែមានក្រុមផ្សេងៗទៀត អនុវត្តយ៉ាងហ្មត់ចត់ ណាស់ដែរ។លោកស្រី Thuan បាន ឲ្យថែមទៀតថា៖ “ពិធីធ្វើសក្ការបូជារបស់ក្រុមខ្ញុំមានចំណែក៣៖​ ទី១គឺថ្វាយទៀន ថ្វាយអុធ និង ថ្វាយ ផ្កា ដោយសារទៀនជានិមិត្តរូបនៃពន្លឺ ដូច្នេះហើយវាត្រូវនាំមុខជានិច្ច។ ចំណែកទី២ គឺថ្វាយផ្លែឈើ ម្ហូបអាហារនិងតែ។ចំណែកចុងក្រោយគឺត្រូវអានជីវ ប្រវត្តិរបស់ស្ដេច Quang Trung”។ បើទោះបីជាពិធីនេះប្រព្រឹត្តទៅយ៉ាងសាមញ្ញឫស្មុគស្មាញក្ដី ប៉ុន្តែមនុស្សគ្រប់រូប សុទ្ធតែ សំដែងទឹកចិត្តស្មោះត្រង់របស់ជនវៀតណាមម្នាក់ៗ ដើម្បីរំលឹកឡើងវិញ គុណូបការៈដ៏ធំធេងរបស់ជីដូនជីតា និងមានគោលបំណងបន្តពង្រឹងនិងពង្រីក ប្រពៃ ណីវីរភាពរបស់ប្រជាជាតិ សាមគ្គីភាពការពារនិងកសាងប្រទេសជាតិឲ្យ កាន់តែ សម្បូរធូធារ។ ជាទីបញ្ចប់ សូមអញ្ជើញលោកអ្នកនាងចូលរួមឆ្លើយសំនួរខែមិនានេះ​គឺ៖ នា បច្ចុប្បន្នវៀតណាមជាដៃគូពាណិជ្ជកម្មធំទីប៉ុន្មានរបស់កម្ពុជា? រាល់​ចំលើយ​ សំបុត្រ  email​សូមផ្ញើមកអាស័យដ្ឋាន៖ កម្មវិធីផ្សាយជាភាសារខ្មែរ កាណាល់​​ ផ្សាយជា​ភាសាបរទេស វិទ្យុសម្លេង​វៀត​ណាម ​លេខ៤៥ វិថី Ba Trieuខ័ណ្ឌ Hoan  Kiem ​រដ្ឋធានី​ហាណូយ ឬ Email÷vov5khmer@​yahoo​.com.vn។ចំលើយ ត្រូវ និមួយៗនឹង​ទទួលបាន​កាដូ​ពិសេសមួយពីកម្មវិធី​ផ្សាយ​ជាភាសារខ្មែរនៃវិទ្យុ សម្លេងវៀត​ណាម៕