(VOVWORLD) - ໃນຊຸມວັນທ້າຍເດືອນ ເມສາ, ຕົ້ນເດືອນ ພຶດສະພາ ປະຫວັດສາດນີ້, ດິນແດນວິລະຊົນ ດ້ຽນບຽນ ໄດ້ຕ້ອນຮັບນັກທ່ອງທ່ຽວນັບໝື່ນຄົນທີ່ມາຈາກສາລະທິດໃນທົ່ວປະເທດມາຢ້ຽມຢາມ. ໃນຈຳນວນນັ້ນ, ມີບັນດານັກຮົບ, ຊາວໜຸ່ມຕະລຸມບອນ, ເກນແຮງງານ, ຜູ້ມີການປະກອບສ່ວນໂດຍກົງເຂົ້າໃນການຍາດເອົາໄຊຊະນະ ດ້ຽນບຽນຝູ “ທີ່ດັງກ້ອງກັງວານໄປທົ່ວ 5 ທະວີບ, ສັ່ນສະເທື່ອນໄປທົ່ວໂລກ” ກ່ອນນີ້ 70 ປີ. ຄວາມຕື້ນຕັນໃຈ, ສະເທືອນໃຈ, ເອກອ້າງທະນົງໃຈ ແລະ ດີໃຈ ແມ່ນບັນດາຄວາມຮູ້ສຶກອາລົມຈິດພິເສດຂອງເຂົາເຈົ້າ ເມື່ອໄດ້ພົບພໍ້ກັນໃນມື້ທີ່ກັບຄືນມາຢາມ ດ້ຽນບຽນ.
