ກອງ​ປະ​ຊຸມ​ຄັ້ງ​ທີ 49 ຂອງ​ຄະ​ນະ​ກຳ​ມະ​ການ​ມໍ​ລະ​ດົກ​ໂລກ ຄາດ​ວ່າ​ຈະ​ຈັດ​ຂຶ້ນ​ຢູ່ Istanbul ແຕ່​ວັນ​ທີ 27 ມິ​ຖຸ​ນາ ຫາ​ວັນ​ທີ 7 ກໍ​ລະ​ກົດ 2027. ຕາມ​ທຳ​ນຽມ, ປະ​ເທດ​ເຈົ້າ​ພາບ​ຕວັກ​ກີ ຈະ​ຮັບ​ດຳ​ລົງ​ບົດ​ບາດ​ເປັນ​ປະ​ທານ, ບັນ​ດາ​ປະ​ເທດ​​ລວມ​ມີ: ຫວຽດ​ນາມ, ອາ​ກ​ເມ​ເນຍ, ເກ​ຣີ​ນາ​ດາ, ຕັງ​ຊາ​ນີ ແລະ ກູ​ເວດ​ໄດ້​ຮັບເລືອ​ກ​ຕັ້ງ​ເປັນ​ຮອງ​ປະ​ທານ​ຂອງກອງ​ປະ​ຊຸມ​ຄັ້ງ​ນີ້. ທຸກໆ​ປີ, ຄະ​ນະ​ກຳ​ມະ​ການ​ມໍ​ລະ​ດົກໂລກ​ໄດ້​ຈັດ​ກອງ​ປະ​ຊຸມ​ຄົບ​ຄະ​ນະ​ 1 ຄັ້ງ​ໃນ​ເວ​ລາ​ປະ​ມານ 15 ວັນ​ດ້ວຍ​ການ​ເຂົ້າ​ຮ່ວມ​ຂອງ​ບັນ​ດາ​ປະ​ເທດ​ສະ​ມາ​ຊິກ​ສົນ​ທິ​ສັນ​ຍາ 1972 ວ່າ​ດ້ວຍ​ການ​ປົກ​ປ້ອງ​ມໍ​ລະ​ດົກ​ດ້ານ​ວັດ​ທະ​ນະ​ທຳ ແລະ ທຳ​ມະ​ຊາດ​ໂລກ, ພ້ອມ​ກັບ​ບັນ​ດາ​ຜູ້​ແທນ​ທີ່​ມາ​ຈາກ​ບັນ​ດາ​ອົງ​ການ​ຈັດ​ຕັ້ງ​ສາ​ກົນ​ອື່ນໆ. ໜຶ່ງ​ໃນ​ບັນ​ດາ​ເນື້ອ​ໃນ​ສຳ​ຄັນ​ຂອງ​ໂຄງ​ການ​ດຳ​ເນີນ​ງານ​ແມ່ນ​ພິ​ຈາ​ລະ​ນາ​ບັນ​ດາ​ຂໍ້​ສະ​ເໜີ​ມໍ​ລະ​ດົກໃໝ່ເຂົ້າ​ໃນ​ບັນ​ຊີ​ລາຍ​ຊື່​ມໍ​ລະ​ດົກ​ໂລກ.