ວັນທີ 03 ສິງຫາ, ຫ້ອງວ່າການນາຍົກລັດຖະມົນຕີ ອິດສະຣາແອັນ, ໃຫ້ຮູ້ວ່າ ປະເທດນີ້ສະແດງຄວາມວິຕົກກັງວົນກັບ ອາເມລິກາ ກ່ຽວກັບແຜນການຫັນເປັນການປອດການທະຫານຢູ່ເຂດ ກາຊາ ພາຍຫຼັງທີ່ ຮາມາດ ຖະແຫຼງເຫັນດີປົດອາວຸດ. ຕາມຫ້ອງວ່າການນາຍົກລັດຖະມົນຕີ ອິດສະຣາແອັນ, ປະເທດນີ້ໄດ້ສົ່ງບັນດາຄຳເຫັນ ແລະ ຄວາມວິຕົກກັງວົນກ່ຽວກັບແຜນການຫັນເປັນການປອດການທະຫານຢູ່ເຂດ ກາຊາ ໄປເຖິງຝ່າຍ ອາເມລິກາ, ຖືວ່າ ແຜນການນີ້ບໍ່ສ່ອງແສງຫຼັກໝັ້ນຂອງ ອິດສະຣາແອັນ. ທ່ານ Doron Spielman, ໂຄສົກຫ້ອງວ່າການນາຍົກລັດຖະມົນຕີ ອິດສະຣາແອັນ ໃຫ້ຮູ້ວ່າ ນັກສືບຂ່າວ ອິດສະຣາແອັນ ໄດ້ພົບເຫັນ ຮາມາດ ພວມປະກອບອາວຸດຄືນໃໝ່ ແລະ ເກນກຳລັງນັບແຕ່ຂໍ້ຕົກລົງຢຸດຍິງໃນເດືອນ ຕຸລາ 2025, ສະນັ້ນ, ໃນເບື້ອງຕົ້ນ ສິ່ງທີ່ບໍ່ສາມາດຂາດໄດ້ສຳລັບບໍ່ວ່າຂໍ້ຕົກລົງໃດໆຍາວນານແມ່ນເລື່ອງຫັນ ຮາມາດ ປອດການທະຫານຢ່າງແທ້ຈິງ, ສາມາດພິສູດໄດ້ ແລະ ບໍ່ສາມາດຕ່າວປິນ.
