ທ່ານ Gareth Ward , ເອກອັກຄະລັດຖະທູດ ລາຊະອານາຈັກອັງກິດ ແລະ ອຽກລັງເໜືອປະຈຳຫວຽດນາມ (ພາບ: TTXVN)

ການຕີລາຄາຜົນກະທົບຂອງນະໂຍບາຍມີຄວາມໝາຍສຳຄັນ, ຊ່ວຍໃຫ້ບັນດາອົງການທີ່ມີສິດອຳນາດຄັດເລືອກບັນດານະໂຍບາຍທີ່ດີທີ່ສຸດ, ເໝາະສົມກັບພຶດຕິກຳຕົວຈິງ. ທ່ານນາງ Rachel Hollway ນັກຊ່ຽວຊານດ້ານການປະຕິຮູບຂໍ້ກຳນົດ, ກົມປະຕິບັດຂໍ້ກຳນົດສາກົນ, ກະຊວງດຳເນີນທຸລະກິດ, ພະລັງງານ ແລະ ຍຸດທະສາດ ອຸດສາຫະກຳ ອັງກິດ ຖືວ່າ ການຕີລາຄາແບບເອກະລາດຊ່ວຍໃຫ້ມີບັນດາຂໍ້ກຳນົດດ້ານກົດໝາຍທີ່ມີຄຸນນະພາບ ແລະ ອີງໃສ່ຫຼັກຖານຢ່າງລະອຽດ.

ທີ່ກອງປະຊຸມສຳມະນາ, ທ່ານ Gareth Ward , ເອກອັກຄະລັດຖະທູດ ລາຊະອານາຈັກອັງກິດ ແລະ ອຽກລັງເໜືອປະຈຳຫວຽດນາມ ຢັ້ງຢືນວ່າ ອັງກິດພ້ອມແລ້ວທີ່ຈະແບ່ງປັນບົດຮຽນ, ປະສົບການກັບຫວຽດນາມເພື່ອແນໃສ່ສ້າງລະບົບຈັດອັນດັບຄຸນນະພາບການລາຍງານຕີລາຄາຜົນກະທົບຂອງນະໂຍບາຍ, ຈາກນັ້ນ ຈະກວດກາຄືນໃໝ່, ຕີລາຄາເອກະສານນິຕິກຳ, ຮັບປະກັນລັກສະນະໂປ່ງໃສ, ຍົກສູງຄຸນນະພາບເອກະສານ, ນຳເອົາຜົນປະໂຫຍດມາໃຫ້ປະຊາຊົນ ແລະ ວິສາຫະກິດ.