ກ່າວຄຳເຫັນທີ່ວາກອງປະຊຸມ ສະມັດຕະພາບ ສະຫະພັນລັດຖະສະພາ ສາກົນ ຄັ້ງທີ 153 (IPU-153) ທີ່ພວມດຳເນີນຢູ່ Arusha, Tanzania, ວັນທີ 7 ຕຸລາ, ທ່ານ ຫງວຽນຮົ່ງຢຽນ ຮອງປະທານສະພາແຫ່ງຊາດຫວຽດນາມ ໄດ້ເນັ້ນໜັກວ່າ ລັກສະນະກວມລວມ, ຄວາມໄວ້ເນື້ອເຊື່ອໃຈ ແລະ ໂອກາດໃຫ້ແກ່ທຸກຄົນແມ່ນພື້ນຖານຂອງການຄຸ້ມຄອງບໍລິຫານຢ່າງມີປະສິດທິຜົນ ແລະ ການມອບສິດໃຫ້ແກ່ຊຸມຊົນ.
ທ່ານຮອງປະທານສະພາແຫ່ງຊາດ ຢັ້ງຢືນວ່າ ການຖືປະຊາຊົນເປັນກຳລັງຜັກດັນ, ໃຈກາງຂອງທຸກນະໂຍບາຍຊີ້ຂາດ ແລະ ການກະທຳໄດ້ປະກອບສ່ວນຊ່ວຍ ຫວຽດນາມບັນລຸໄດ້ບັນດາຜົນງານທີ່ສຳຄັນພາຍຫຼັງ 40 ປີແຫ່ງການປ່ຽນແປງໃໝ່. ຫວຽດນາມ ພວມສືບຕໍ່ປັບປຸງລະບອບລະບຽບການຢ່າງແຮງ, ຖືວິທະຍາສາດ ເຕັກໂນໂລຢີ, ນະວັດຕະກຳ, ການຫັນເປັນດີຈີຕອນ, ການຫັນເປັນສີຂຽວ ແລະ ເສດຖະກິດໝູນວຽນເປັນກຳລັງຜັກດັນພັດທະນາ.
ຈາກພຶດຕິກຳຕົວຈິງນັ້ນ, ຫວຽດນາມ ໄດ້ສະເໜີ ສາມຈຸດສຸມໃນການຮ່ວມມືລັດຖະສະພາລວມມີ: ຊຸກຍູ້ການເຂົ້າຮ່ວມຂອງປະຊາຊົນໃນການຄຸ້ມຄອງບໍລິຫານ, ເພີ່ມທະວີການຕິດຕາມກວດກາ, ຄວາມໂປ່ງໃສ ແລະ ຄວາມຮັບຜິດຊອບໃນການອະທິປາຍ ເພື່ອຮັດແຄບໄລຍະຫ່າງລະຫວ່າງຄຳໝັ້ນສັນຍາ ແລະ ໝາກຜົນ; ຮັບປະກັນວິທະຍາສາດເຕັກໂນໂລຢີຮັບໃຊ້ມະນຸດ, ປະກອບສ່ວນຮັດແຄບໄລຍະຫ່າງໃນການພັດທະນາ.
