ຢູ່ກອງປະຊຸມກະກຽມໃຫ້ແກ່ກອງປະຊຸມໃຫຍ່ຄັ້ງທີ 31 ບັນດາຝ່າຍເຂົ້າຮ່ວມສົນທິສັນຍາແມ່ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ (COP 31)ໄດ້ດຳເນີນໃນວັນທີ 7 ຕຸລາ ຢູ່ນະຄອນ Nadi (Fiji), ບັນດາການນຳພາກພື້ນ ປາຊີຟິກ ໄດ້ຮຽກຮ້ອງບັນດາປະເທດ ຮັ່ງມີອຸປະຖຳການເງິນໂດຍໄວເພື່ອຊ່ວຍບັນດາປະເທດນີ້ ຄົງຕົວຕໍ່ວິກິດການດິນຟ້າອາກາດ.
ກ່າວຄຳເຫັນຢູ່ນອກກອງປະຊຸມ, ທ່ານນາຍົກລັດຖະມົນຕີ Papua New Guinea, James Marape ເນັ້ນໜັກວ່າ ນີ້ແມ່ນບັນຫາທີ່ມີລັກສະນະຄຸນສົມບັດ ເມື່ອບັນດາປະເທດມີອະທິປະໄຕພວມປະເຊີນໜ້າກັບຄວາມສ່ຽງຖືກສູນຫາຍໄປໃນແຜນທີ່ ຍ້ອນຖືກຜົນຕາມມາຈາກການຕັດສິນຂອງບັນດາປະເທດອື່ນ.
ສ່ວນທ່ານ Wopke Hoekstra ກຳມະການເອີລົບຮັບຜິດຊອບ ວຽກງານກ່ຽວກັບດິນຟ້າອາກາດ ໄດ້ຍອມຮັບວ່າ ໂລກພວມມີການກະທຳທີ່ຍັງບໍ່ທັນຢ່າງພຽງພໍເມື່ອບົດລາຍງານຂອງ ສປຊ ໄດ້ສະແດງໃຫ້ເຫັນວ່າ ບັນດາປະເທດພວມພັດທະນາຕ້ອງການເງິນແຕ່ 310 – 365 ຕື້ USD ເພື່ອປັບຕົວໃຫ້ແທດເໝາະ, ແຕ່ແຫຼ່ງກຳລັງໃນຕົວຈິງໃນປີ 2023 ພຽງແຕ່ບັນລຸ 26 ຕື້ USD ເທົ່ານັ້ນ. ປັດຈຸບັນ, ກອງທຶນຄວາມສາມາດສ້າງຄວາມເຂັ້ມແຂງດ້ວຍຕົນເອງ ຂອງ ປາຊີຟິກ ໂດຍບັນດາການນຳໃນພາກພື້ນສ້າງຂຶ້ນ ເພື່ອແນໃສ່ລະດົມເງິນ 500 ລ້ານ USD ຫາກໍ່ໄດ້ຮັບຄຳໝັ້ນສັນຍາ ບໍ່ຮອດເຄິ່ງໜຶ່ງຂອງຈຳນວນສະມາຊິກ, ເຖິງວ່າ Fiji ຫາກໍ່ປະກອບເງິນກວ່າ 10 ລ້ານ USD.
