ໃນການຕອບສຳພາດທີ່ໄດ້ລົງພິມໃນໜັງສືພິມ Etmad ສະບັບອອກໃນວັນທີ 23 ມັງກອນ, ທ່ານ Mohammad Javad Zarif ລັດຖະມົນຕີກະຊວງການຕ່າງປະເທດ ອີຣານ ໄດ້ເນັ້ນໜັກວ່າ ອີຣານ ຈະບໍ່ອະນຸຍາດໃຫ້ ອາເມລິກາ ແຊກແຊງເຂົ້າວຽກງານພາຍໃນຂອງຕົນ ແຕ່ຍັງເປີດໂອກາດຮ່ວມມືກ່ຽວກັບບັນຫານ້ຳມັນບໍ່, ກໍ່ຄືຮັບປະກັນຄວາມໝັ້ນຄົງໃຫ້ເຂດອ່າວເປີເຊຍ. ເຖິງຢ່າງໃດກໍ່ຕາມ, ທ່ານ Zarif ຍັງຊີ້ແຈ້ງວ່າ ການມີໜ້າຂອງປະເທດຢູ່ນອກພາກພື້ນອ່າວເປີເຊຍ ໄດ້ສ້າງຄວາມຂາດຄວາມໝັ້ນຄົງ.

ກ່ອນໜ້ານັ້ນ 1 ວັນ, ທ່ານ ລັດຖະມົນຕີກະຊວງການຕ່າງປະເທດ ອີຣານ ໄດ້ຮຽກຮ້ອງໃຫ້ອຳນາດການປົກຄອງຊຸດໃໝ່ຂອງ ອາເມລິກາ ຈົ່ງຍົກເລິກບັນດາຄຳສັ່ງລົງໂທດ ໂດຍອຳນາດການປົກຄອງ ປະທານາທິບໍດີ ອາເມລິກາ Donald Trump ຈັດວາງຕໍ່ປະເທດສາທາລະນະອິດສະລາມນີ້, ເພື່ອແນໃສ່ກູ້ເອົາຂໍ້ຕົກລົງນິວເຄຼຍ ປີ 2015.