ວັນທີ 25 ສິງຫາ, ການາດາ ແຈ້ງໃຫ້ຊາບວ່າ ໄດ້ຈັດວາງພາສີສຳລັບສິນຄ້ານຳເຂົ້າຈາກ ອາເມລິກາ ທີ່ມີມູນຄ່າປະມານ 20 ຕື້ USD, ເພື່ອໂຕ້ຕອບບັນດາອັດຕາພາສີສົມທົບເຊິ່ງອຳນາດການປົກຄອງຂອງ ທ່ານ Donald Trump ປະທານາທິບໍດີ ອາເມລິກາ ຫາກໍ່ຈັດວາງສຳລັບສິນຄ້າຂອງ ການາດາ ທີ່ຜ່ານມາ.
ຕາມລັດຖະບານ ການາດາ ແລ້ວ, ບັນດາອັດຕາພາສີໃໝ່ 15%, 25% ແລະ 50% ຈະມີຜົນສັກສິດແຕ່ວັນທີ 08 ກັນຍາ, ຈັດວາງຕໍ່ສິນຄ້າຂອງ ອາເມລິກາ ປະມານ 700 ປະເພດ. ໃນນັ້ນ, ອັດຕາພາສີສູງສຸດ 50% ໄດ້ຈັດວາງສຳລັບບັນດາຜະລິດຕະພັນຈາກເກຼັກກ້າ, ອາລູມີນຽມ, ເຄື່ອງຕົບແຕ່ງພາຍໃນ ແລະ ເຄື່ອງນຸ່ງ.
ການກະທຳດັ່ງກ່າວໄດ້ຍົກອອກມາພາຍຫຼັງທີ່ອັດຕາພາສີ 50% ຂອງທ່ານປະທານາທິບໍດີ Donald Trump ຈັດວາງຕໍ່ສິນຄ້າຂອງ ການາດາ ທີ່ມີມູນຄ່າປະມານ 20 ຕື້ USD ທີ່ມີຜົນສັກສິດໃນທ້າຍອາທິດຜ່ານມາ, ພາຍຫຼັງການເຈລະຈາດ້ານການຄ້າລະຫວ່າງ 2 ປະເທດທີ່ຖືກແຕກແຫງ.
