ຕອນຄ່ຳວັນທີ 2 ຕຸລາ, ຢູ່ຮ່າໂນ້ຍ, ຄະນະກຳມະການປະຊາຊົນນະຄອນຮ່າໂນ້ຍ ໄດ້ຈັດຕັ້ງພິທີໄຂງານບຸນປຶ້ມຮ່າໂນ້ຍຄັ້ງທີ XI ປີ 2026 ດ້ວຍຫົວຂໍ້ “ປຶ້ມເປີດປັນຍາ - ເຕັກໂນໂລຢີນຳພາອະນາຄົດ”, ໂດຍສະເຫຼີມສະຫຼອງ 72 ປີແຫ່ງວັນປົດປ່ອຍນະຄອນຫຼວງຮ່າໂນ້ຍ (10/10/1954 - 10/10/2026) ແລະ 74 ປີແຫ່ງວັນມູນເຊື້ອຂະແໜງພິມຈຳໜ່າຍປຶ້ມ ຫວຽດນາມ (10/10/1954 - 10/10/2026). ວັນປຶ້ມຮ່າໂນ້ຍປີ 2026 ໄດ້ດຳເນີນແຕ່ວັນທີ 1 ຕຸລາ ຫາວັນທີ 4 ຕຸລາ 2026 ຢູ່ຖະໜົນຄົນຍ່າງໜອງຮ່ວານກຽມ, ຮ່າໂນ້ຍ, ດ້ວຍການເຂົ້າຮ່ວມຂອງ 31 ຫົວໜ່ວຍພິມຈຳໜ່າຍໃນທົ່ວປະເທດ. ງານບຸນປຶ້ມປີນີ້ ມີຫຼາຍເນື້ອໃນເປັນໜ້າສົນໃຈຄື: ງານວາງສະແດງປຶ້ມ ແລະ ເອກະສານກ່ຽວກັບທັງລອງ ຮ່າໂນ້ຍ, ສະຖານທີ່ພິມຈຳໜ່າຍເອເລັກໂຕນິກ, ປຶ້ມເວົ້າ, ປຶ້ມຫຼາຍພາຫະນະ, ພ້ອມກັບບັນດາການເຄື່ອນໄຫວພົບປະແລກປ່ຽນ, ໂອ້ລົມສົນທະນາ, ສະເໜີປຶ້ມຕໍ່ຜູ້ອ່ານ, ການທຸລະກຳ ແລະ ແລກປ່ຽນລິຂະສິດ. ພິເສດ, ງານບຸນປຶ້ມແມ່ນບ່ອນເຊື່ອມຕໍ່ພູມປັນຍາ, ວັດທະນະທຳການອ່ານ ແລະ ເຕັກໂນໂລຢີ, ນຳມາເຊິ່ງການລົງຕົວຈິງໃໝ່ໃຫ້ແກ່ຜູ້ອ່ານ.
