ນັບແຕ່ທ້າຍເດືອນເມສາ, ບັນຍາກາດແຂ່ງຂັນມຸ່ງໄປເຖິງວັນກຳມະກອນສາກົນ ແລະ ເດືອນກຳມະກອນ ໄດ້ຮັບການຜັນຂະຫຍາຍຢ່າງຄຶກຄື້ນຢູ່ຫຼາຍກະຊວງ, ຂະແໜງການ ແລະ ທ້ອງຖິ່ນ. ທ່ານ ຫງວຽນແອັງຕວັນ, ປະທານສະຫະພັນໃຫຍ່ແຮງງານ ຫວຽດນາມ, ຢັ້ງຢືນວ່າ:
“ວັນກຳມະກອນສາກົນຖືກຈັດຂຶ້ນ ຕິດພັນກັບການເຄື່ອນໄຫວ “ເດືອນກຳມະກອນ”, ກາຍເປັນບັ້ນເຄື່ອນໄຫວຈຸດສູງເບິ່ງແຍງດູແລຊີວິດກຳມະກອນຜູ້ອອກແຮງງານ, ປຸກລຸກຈິດໃຈສາມັກຄີ, ແຂ່ງຂັນອອກແຮງງານເກັ່ງ, ອອກແຮງງານປະດິດຄິດສ້າງ, ສ້າງສາຍພົວພັນແຮງງານຢ່າງກົມກ່ຽວ, ມີສະຖຽນລະພາບ ແລະ ກ້າວໜ້າ; ເພີ່ມທະວີການນຳພາຂອງຄະນະພັກ, ຍົກສູງຄວາມຮັບຜິດຊອບຂອງອຳນາດການປົກຄອງໃນການສ້າງຊົນຊັ້ນກຳມະກອນ, ປະກອບສ່ວນເຂົ້າໃນການພັດທະນາຂອງປະເທດຊາດ. ດັ່ງນັ້ນ, ຈິດໃຈກຳມະກອນສາກົນຢູ່ ຫວຽດນາມ ບໍ່ພຽງແຕ່ແມ່ນຈິດໃຈສາມັກຄີຕໍ່ສູ້ຂອງຜູ້ອອກແຮງງານເທົ່ານັ້ນ, ຫາກຍັງແມ່ນສັນຍາລັກຂອງເຈດຈຳນົງບືນຕົວຂຶ້ນສ້າງສາ ແລະ ປົກປັກຮັກສາປະເທດຊາດ ຫວຽດນາມ ສັງຄົມນິຍົມ”.
ເນື່ອງໃນໂອກາດນີ້, ທ່ານ ຫງວຽນແອັງຕວັນ ປະທານສະຫະພັນໃຫຍ່ແຮງງານ ຫວຽດນາມ ໄດ້ຝາກຈົດໝາຍອວຍພອນເຖິງກຳມະກອນ, ຜູ້ອອກແຮງງານ ຫວຽດນາມ ເນື່ອງໃນໂອກາດສະເຫຼີມສະຫຼອງວັນກຳມະກອນສາກົນ ຄົບຮອບ 140 ປີ (01/5/1886 - 01/5/2026).
