(VOVWORLD) - ເມື່ອບຸນເຕັດ, ລະດູບານໃໝ່ວຽນມາບັນຈົບຄົບຮອບອີກວາລະໜຶ່ງ, ພ້ອມກັບບັນດາຮີດຄອງປະເພນີ, ວັດທະນະທຳທີ່ເປັນມູນເຊື້ອ, ການລະຫຼີ້ນພື້ນເມືອງປະເພດຕ່າງໆ ກໍໄດ້ປະກອບສ່ວນເຮັດໃຫ້ລະດູບານໃໝ່ມີຄວາມເບີກບານມ່ວນຊື່ນຂຶ້ນຕື່ມ. ໃນບັນດາການລະຫຼີ້ນພື້ນເມືອງນັ້ນ, ຕ້ອງເວົ້າເຖິງການຕີໝາກຂ່າງ ຫຼື ຕຶກຂ່າງ ຕາມພາສາຊົນເຜົ່າໄຕ. ສຳລັບການລະຫຼີ້ນປະເພດນີ້ ຈະຫຼີ້ນຢູ່ນອກເຮືອນ, ຜູ້ຫຼີ້ນສ່ວນຫຼາຍແມ່ນຜູ້ຊາຍ, ເດັກຊາຍ ແລະ ບໍ່ມີການຈຳແນກອາຍຸ. ແຕ່ສຳລັບພໍ່ແມ່ພີ່ນ້ອງຊາວເຜົ່າໄຕ ຢູ່ເມືອງ ລຸກອຽນ, ແຂວງ ອຽນບາຍແລ້ວ ການຕີໝາກຂ່າງ ບໍ່ພຽງແຕ່ມີຜູ້ຊາຍຫຼີ້ນເທົ່ານັ້ນ ຫາກຍັງດຶງດູດຜູ້ຍິງເຂົ້າຮ່ວມອີກດ້ວຍ.