55 ປີ ແຫ່ງການພົວພັນ ຫວຽດນາມ - ກຳປູເຈຍ: ບັນດາຂົວເຊື່ອມຕໍ່ ຊ່ວຍເພີ່ມພູນຄູນສ້າງສາຍພົວພັນໄມຕີຈິດມິດຕະພາບ ແລະ ຄວາມຜູກພັນ
10/07/2022 10:48
(VOVWORLD) -ຫວຽດນາມ ແລະ ກຳປູເຈຍ ແມ່ນສອງປະເທດບ້ານໃກ້ເຮືອນຄຽງທີ່ມີພູຜາແມ່ນ້ຳລຳເຊຕິດຕໍ່ກັນເປັນສາຍດຽວ. ກວ່າເຄິ່ງສະຕະວັດໄດ້ຜ່ານພົ້ນໄປ ນັບແຕ່ເມື່ອສອງປະເທດສ້າງຕັ້ງສາຍພົວພັນທາງການທູດຢ່າງເປັນທາງການ (24 ມິຖຸນາ1967), ບໍ່ຈັກວ່າປະຊາຊົນ ຫວຽດນາມ ແລະ ກຳປູເຈຍ ອ້າຍນ້ອງ ຈັກລຸ້ນຄົນໄດ້ຮຽງບ່າຮຽງໄຫຼ່ໃນພາລະກິດແຫ່ງການຕໍ່ສູ້ປົດປ່ອຍຊາດ, ສ້າງປະເທດແຫ່ງສັນຕິພາບ, ວັດທະນາຖາວອນ. ນ້ຳໃຈຄວາມຜູກພັນທີ່ໜຽວແໜ້ນ, ການຊ່ວຍເຫຼືອຢ່າງສຸດຈິດສຸດໃຈລະຫວ່າງປະຊາຊົນສອງປະເທດລຸ້ນຕ່າງໆ ເໝືອນດັ່ງຂົວເຊື່ອມຕໍ່ນັບແຕ່ອະດີດຕະຫຼອດຮອດປັດຈຸບັນ, ປະກອບສ່ວນເພີ່ມພູນຄູນສ້າງຄວາມສາມັກຄີລະຫວ່າງປະຊາຊົນສອງຊາດ.
ກ່ອນນີ້ກວ່າ 43 ປີ, ວັນທີ 7 ມັງກອນ 1979, ລະບອບ ຂະແມແດງດັບສູນເຊື້ອຊາດຂອງອຳນາດການປົກຄອງ Pol Pot Ieng Sary ຖືກໂຄ່ນລົ້ມ ໂດຍທະຫານອາສາສະໝັກ ຫວຽດນາມ ພ້ອມກັບກຳລັງຮັກຊາດຢ່າງແທ້ຈິງຂອງ ກຳປູເຈຍ. ໃນໄລຍະແຕ່ປີ 1979 – 1989, ຕາມຄຳສະເໜີຂອງພັກປະຊາຊົນປະຕິວັດ ກຳປູເຈຍ, ນັກຊ່ຽວຊານ ຫວຽດນາມ ນັບໝື່ນຄົນ ໄດ້ອອກເດີນທາງໄປປະຕິບັດພັນທະສາກົນ, ຮຽງບ່າຮຽງໄຫຼ່ກັບປະຊາຊົນ ກຳປູເຈຍ ສະກັດກັ້ນລະບອບດັບສູນເຊື້ອຊາດ ຂະແມແດງ, ຟື້ນຟູເສດຖະກິດ - ສັງຄົມ, ສ້າງຊີວິດໃໝ່. ທ່ານ ຟານຊວັນເຫງຍະ, ອະດີດນັກຊ່ຽວຊານ ກອງ A50 ຂອງນະຄອນ ໂຮ່ຈີມິນ ແມ່ນໜຶ່ງໃນບັນດານັກຮົບຜູ້ດີເດັ່ນ ໄດ້ຄັດເລືອກເຂົ້າຮ່ວມຄະນະນັກຊ່ຽວຊານດ້ານການທະຫານ 72 - ທະຫານປ້ອງກັນຊາຍແດນໄປຊ່ວຍເຫຼືອ ກຳປູເຈຍ ສ້າງອຳນາດການປົກຄອງ, ກອງທັບ, ຍູ້ກຳລັງ Pol Pot Ieng Sary ໃຫ້ຖອນໄປແຕ່ເດືອນ ກຸມພາ 1979, ໄດ້ເວົ້າຄືນດ້ວຍຄວາມຕື້ນຕັນໃຈວ່າ:
TAG
VOV/VOVworld/ຫວຽດນາມ/ກຳປູເຈຍ/ຂົວເຊື່ອມຕໍ່
Related
