(VOVWORLD) -ໃນຊຸມວັນນີ້, ບັນຍາກາດຂອງງານມະຫາກຳກິລາ ອາຊີຕາເວັນອອກສ່ຽງໃຕ້ ຄັ້ງທີ 31 (ຊີເກມ 31) ພວມດຳເນີນໄປຢ່າງຟົດຟື້ນຢູ່ບັນດາແຂວງພາກເໜືອ ຫວຽດນາມ. ໄປຄຽງຄູ່ກັບການແຂ່ງຂັນກິລາແລ້ວ, ມີຫຼາຍເຫດການພົບປະແລກປ່ຽນວັດທະນະທຳທີ່ມີສີສັນພິເສດກໍຖືກຈັດຂຶ້ນ, ໃນນັ້ນມີງານ Festival ຊາວໜຸ່ມ ອາຊີຕາເວັນອອກສ່ຽງໃຕ້ ເຊິ່ງຫາກໍ່ດຳເນີນຢູ່ນະຄອນຫຼວງ ຮ່າໂນ້ຍ. ເຫດການດັ່ງກ່າວຖືກຈັດຂຶ້ນບໍ່ພຽງແຕ່ເພື່ອຂ່ຳນັບຮັບຕ້ອນງານມະຫາກຳກິລາຂອງພາກພື້ນເທົ່ານັ້ນ, ຫາກຍັງແມ່ນໂອກາດເພື່ອໃຫ້ຊາວໜຸ່ມ, ນັກສຶກສາບັນດາປະເທດໄດ້ພົບປະ, ແລກປ່ຽນ, ຜູກພັນກັນ “ເພື່ອພາກພື້ນອາຊີຕາເວັນອອກສ່ຽງໃຕ້ ທີ່ເຂັ້ມແຂວງກວ່າ”.