(VOVWORLD) - ພາຍຫຼັງລົງນາມສົນທິສັນຍາມິດຕະພາບແລະການຮ່ວມມືຮອບດ້ານນັບແຕ່ວັນທີ 18 ກໍລະກົດປີ 1977 ເປັນຕົ້ນມາ, ຫວຽດນາມ - ລາວໄດ້ເປີດໄລຍະໃໝ່ໃນປະຫວັດສາດການພົວພັນຂອງສອງຊາດ. ໃນຈຸດເວລານັ້ນ, ເຖິງວ່າຫາກໍ່ສະຖາປະນາ, ປະເທດຍັງບໍ່ທັນມີຄວາມເຂັ້ມແຂງເທົ່າທີ່ຄວນ, ພື້ນຖານເສດຖະກິດຍັງປະສົບກັບຄວາມຫຍຸ້ງຍາກຫຼາຍຢ່າງ, ແຕ່ຫວຽດນາມຍັງຈັດສົ່ງຄະນະນັກຊ່ຽວຊານໄປຊ່ວຍເຫຼືອປະເທດເພື່ອນລາວເພື່ອແນໃສ່ຮັບປະກັນຄວາມໝັ້ນຄົງ, ສ້າງຊີວິດການເປັນຢູ່ຂອງປະຊາຊົນກັບຄືນສູ່ສະພາບການທີ່ເປັນປົກກະຕິ, ຟື້ນຟູການຜະລິດແລະພັດທະນາເສດຖະກິດ… ມາຮອດປັດຈຸບັນ, ສອງປະເທດກໍບັນລຸໄດ້ຜົນງານຫຼາຍຢ່າງໃນຫຼາຍຂົງເຂດ, ພົ້ນເດັ່ນກ່າວໝູ່ແມ່ນຂົງເຂດເສດຖະກິດ.