(VOVWORLD) - ພາຍຫຼັງ 50 ປີແຫ່ງການຮ່ວມມື, ການພົວພັນລະຫວ່າງ ຫວຽດນາມ ແລະ ອົດສະຕາລີ ບັນລຸໄດ້ຜົນສຳເລັດທີ່ເປັນໜ້າທັບໃຈຫຼາຍຢ່າງ. ຢູ່ກອງປະຊຸມສຳມະນາສາກົນ “50 ປີແຫ່ງການພົວພັນລະຫວ່າງ ຫວຽດນາມ - ອົດສະຕາລີ: ຫວນຄືນ ແລະ ມຸ່ງໄປເຖິງ”, ໂດຍສະຖາບັນຄົ້ນຄ້ວາອາຊີຕາເວັນອອກສ່ຽງໃຕ້ ຂຶ້ນກັບສະຖາບັນບັນດິດວິທະຍາສາດສັງຄົມ ຫວຽດນາມ ສົມທົບກັບສະຖານທູດ ອົດສະຕາລີ ຈັດຂຶ້ນໃນວັນທີ 24 ຕຸລາ, ຢູ່ຮ່າໂນ້ຍ, ບັນດາບົດປະກອບຄຳເຫັນໄດ້ຢັ້ງຢືນວ່າ ສອງປະເທດ ພວມສືບຕໍ່ມຸ່ງໄປເຖິງການຮ່ວມມືທີ່ນັບມື້ນັບແໜ້ນແຟ້ນ, ຕອບສະໜອງຄວາມຮຽກຮ້ອງຕ້ອງການຂອງແຕ່ລະປະເທດ ກໍ່ຄືປັບຕົວໃຫ້ແທດເໝະກັບສະພາບການໃໝ່ຂອງພາກພື້ນ ແລະ ໂລກ.