(VOVWORLD) -ນະຄອນຫລວງ ຮ່າໂນ້ຍ ແລະ ທົ່ວປະເທດຫວຽດນາມ ໃນຊຸມມື້ນີ້ພວມກ້າວເຂົ້າສູ່ການຕໍ່ສູ້ຄັ້ງໃຫມ່. ສັດຕູ ທີ່ບໍ່ມີຮູບຮ່າງ ແຕ່ເປັນອັນຕະລາຍທີ່ສຸດ. ບໍ່ພຽງແຕ່ແມ່ນ ໄວຣັດ SARS-CoV2 ເທົ່ານັ້ນ ຫາກຍັງແມ່ນສິ່ງທີ່ຊົ່ວຮ້າຍພວມຊ້ອນແຝງເຂົ້າຈິດໃຈຂອງມະນຸດ ດ້ວຍຄວາມເປັນຫ່ວງ, ຄວາມວິຕົກວັງວົນເກີນກວ່າເຫດ, ຄວາມລະແວງສົງໃສ… ແຕ່ຄືດັ່ງທຳນອງເພງ “ ຮ່າໂນ້ຍ ມີຄວາມເຊື່ອໝັ້ນ ແລະ ມີຄວາມຫວັງ” ໂດຍນັກປະພັນເພງ ຟານເຍິນ ປະດິດແຕ່ງນັ້ນ ແນ່ນອນວ່າ ຮ່າໂນ້ຍ ແລະ ຫວຽດນາມ ຈະສ້າງໄຊຊະນະໃຫມ່ໃນການຕໍ່ສູ້ນີ້.