(VOVWORLD) - ວັນທີ 27 ກຸມພາ ແມ່ນວັນແພດໝໍ ຫວຽດນາມ. ນີ້ແມ່ນໂອກາດເພື່ອໃຫ້ສັງຄົມສະແດງຄວາມເຄົາລົບນັບຖື, ເຊີດຊູແພດໝໍ ແລະ ເອກອ້າງທະນົງໃຈກ່ຽວກັບຜົນງານອັນຍິ່ງໃຫຍ່ເຊິ່ງຂະແໜງສາທາລະນະສຸກບັນລຸໄດ້. ການສະເຫຼີມສະຫຼອງວັນແພດໝໍ ຫວຽດນາມ ກໍຊີ້ໃຫ້ເຫັນຢ່າງຈະແຈ້ງເປົ້າໝາຍສູງສຸດຂອງພັກ ແລະ ລັດ ຫວຽດນາມ ນັ້ນແມ່ນ ສ້າງລະບົບສາທາລະນະສຸກທີ່ຍຸຕິທຳ, ມີຄຸນນະພາບສູງ, ມີປະສິດທິຜົນ ແລະ ເຊື່ອມໂຍງເຂົ້າກັບສາກົນ, ມຸ່ງໄປເຖິງການປະຕິບັດນະໂຍບາຍກ່ຽວກັບການເບິ່ງແຍງດູແລສຸຂະພາບທົ່ວປວງຊົນ ແລະ ສາທາລະນະສຸກທົ່ວປວງຊົນຢ່າງທົ່ວເຖິງ.