(VOVWORLD) -ພື້ນຖານເສດຖະກິດຫວຽດນາມ ພວມປະສົບກັບຄວາມຫຍຸ້ງຍາກ ຍ້ອນໂລກລະບາດໂຄວິດ - 19. ການແຜ່ລະບາດຂອງໂລກລະບາດດັ່ງກ່າວໄດ້ສົ່ງຜົນກະທົບຢ່າງຮ້າຍແຮງເຖິງບັນດາຄູ່ຮ່ວມມືດ້ານການຄ້າ ແລະ ການລົງທຶນສໍາຄັນຂອງຫວຽດນາມ. ເຖິງຢ່າງໃດກໍຕາມ, ຫຼາຍອົງການການເງິນຂອງພາກພື້ນ ແລະ ສາກົນ, ບັນດາບໍລິສັດຈັດອັນດັບຄວາມໄວ້ວາງໃຈດ້ານສິນເຊື່ອ, ນັກຊ່ຽນຊານດ້ານເສດຖະກິດ ຍັງຄົງເຊື່ອໝັ້ນຕໍ່ແງ່ຫວັງຂອງເສດຖະກິດຫວຽດນາມໃນອະນາຄົດ ພ້ອມທັງຕີລາຄາວ່າ ພື້ນຖານເສດຖະກິດຂອງຫວຽດນາມ ຈະມີຄວາມສະດວກໃນລະດັບປານກາງ ແລະ ກັບຄືນສູ່ວົງຈອນການເຕີບໂຕເປັນປົກກະຕິໂດຍໄວ.