ໄປຄຽງຄູ່ກັນນັ້ນ ຫວຽດນາມ ກໍ່ຢຶດໝັ້ນ, ເດັດຂາດຮຽກຮ້ອງໃຫ້ບັນດາປະເທດອື່ນ ເຄົາລົບບັນດາພັນທະຂອງ UNCLOS, ຜ່ານນັ້ນ ປະກອບສ່ວນເຂົ້າໃນການປົກປັກຮັກສາຄວາມເປັນລະບຽບທາງນິຕິກຳຢູ່ທະເລ, ສ້າງທະເລຕາເວັນອອກ ໃຫ້ກາຍເປັນເຂດທະເລທີ່ມີສັນຕິພາບ ແລະ ນຳມາເຊິ່ງຄວາມວັດທະນາຖາວອນໃຫ້ແກ່ບັນດາປະເທດທັງໝົດໃນພາກພື້ນ.  ເພີ່ມທະວີການປະຕິບັດ UNCLOS ແລະ ຮັກສາຄວາມເປັນລະບຽບທາງນິຕິກຳຢູ່ທະເລຕາເວັນອອກ (ພາບ: TTXVN)         ເປັນສະມາຊິກຂອງສົນທິສັນຍາສປຊ ກ່ຽວກັບກົດໝາຍວ່າດ້ວຍທະເລ 1982, ເນື້ອທີ່ບັນດາເຂດທະເລ ແລະ ເຂດໄຫຼ່ທະວີບ ຊື່ງ ຫວຽດນາມ ໄດ້ຊົມໃຊ້ສິດຜົນປະໂຫຍດສຳລັບເຂດທະເລ ແລະ ຊັບພະຍາກອນຕາມຂໍ້ກຳນົດຂອງສົນທິສັນຍາແມ່ນປະມານເກືອບ 1 ລ້ານກິໂລຕາແມັດ, ທົບ 3 ເທົ່າເນື້ອທີ່ດິນຕໍ່ແຜ່ນ. ຫວຽດນາມ ກໍ່ມີອະທິປະໄຕສຳລັບ 2 ໝູ່ເກາະ ຮ່ວາງຊາ ແລະ ເຈື່ອງຊາ ບໍ່ອາດປະຕິເສດໄດ້, ບົນພື້ນຖານບັນດາຂໍ້ກຳນົດຂອງສົນທິສັນຍາ ແລະ ບັນດາຫຼັກການຂອງກົດໝາຍສາກົນ.