ເສີມຂະຫຍາຍບົດບາດຂອງການຕ່າງປະເທດລັດຖະສະພາ
28/03/2019 12:32
(VOVWORLD) -ວັນທີ 28 ມີນາ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ເລີ່ມຕົ້ນການເຄື່ອນໄຫວຫຼາຍຢ່າງໃນການໄປປະຕິບັດງານເປັນເວລາຫຼາຍວັນ ຢູ່ລາຊະອານາຈັກມາຣົກ, ສາທາລະນະລັດຝລັ່ງ, ລັດຖະສະພາເອີຣົບ (EP) ແລະ ເຂົ້າຮ່ວມກອງປະຊຸມສະມັດຊາໃຫຍ່ສະຫະພັນລັດຖະສະພາສາກົນ ຄັ້ງທີ 140 (IPU-140). ນີ້ແມ່ນການໄປປະຕິບັດງານຢູ່ຕ່າງປະເທດຄັ້ງທີ 2 ຂອງທ່ານນາງປະທານສະພາແຫ່ງຊາດ ຫງວຽນທິກິມເງິນ ນັບແຕ່ຕົ້ນປີ 2019 ເພື່ອແນໃສ່່ສືບຕໍ່ຢັ້ງຢືນບົດບາດສໍາຄັນຂອງການຕ່າງປະເທດລັດຖະສະພາໃນການປັບປຸງການພົວພັນສອງຝ່າຍ ແລະ ຫຼາຍຝ່າຍລະຫວ່າງຫວຽດນາມ ກັບບັນດາປະເທດຄູ່ຮ່ວມມື.
ການໄປປະຕິບັດງານຢູ່ຕ່າງປະເທດນັບແຕ່ວັນທີ 28 ມີນາ - 8 ເມສາ ຂອງທ່ານນາງປະທານສະພາແຫ່ງຊາດ ຫງວຽນທິກິມເງິນ ຖືກດໍາເນີນຕາມຄໍາເຊື້ອເຊີນຂອງການນໍາອົງການນິຕິບັນຍັດຂອງ ມາຣົົກ, ຝລັ່ງ, ລັດຖະສະພາເອີຣົບ (EP), ສະຫະພັນລັດຖະສະພາສາກົນ (IPU). ນີ້ແມ່ນການຢ້ຽມຢາມ ມາຣົກ ຢ່າງເປັນທາງການ ພາຍຫຼັງໄລຍະ 14 ປີ, ຢ້ຽມຢາມ ຝລັ່ງ ຢ່າງເປັນທາງການພາຍຫຼັງໄລຍະ 11 ປີ ແລະ ຢ້ຽມຢາມ EP ພາຍຫຼັງໄລຍະ 8 ປີ ຂອງປະທານສະພາແຫ່ງຊາດຫວຽດນາມ.
TAG
VOV/VOVworld/ລັດຖະສະພາ/ມາຣົກ/ຝລັ່ງ/ຫງວຽນທິກິມເງິນ
Related
