(VOVWORLD) - ຕາມຂໍ້ມູນ ຈາກກົມລົງທຶນຕ່າງປະເທດ, ກະຊວງແຜນການ ແລະ ການລົງທຶນ ຫວຽດນາມ ແລ້ວ, ໄລ່ຮອດວັນທີ 20 ມັງກອນ, ຍອດເງິນລົງທຶນໂດຍກົງຈາກຕ່າງປະເທດ ຈົດທະບຽນໃໝ່, ທຶນດັດປັບ ແລະ ປະກອບຊື້ຫຸ້ນຂອງນັກລົງທຶນຕ່າງປະເທດບັນລຸກ່ວາ 2,36 ຕື້ USD, ເພີ່ມຂຶ້ນ 40% ເມື່ອທຽບໃສ່ໄລຍະດຽວກັນຂອງປີ 2023. ສັນຍານທີ່ຕັ້ງໜ້າ ນັບແຕ່ເດືອນທຳອິດຂອງປີ 2024 ໄດ້ສະແດງໃຫ້ເຫັນວ່າ ຫວຽດນາມ ຍັງແມ່ນໜຶ່ງໃນບັນດາການເລືອກເຟັ້ນແຖວໜ້າຂອງແຫຼ່ງເງິນລົງທຶນໂດຍກົງຈາກຕ່າງປະເທດ (FDI) ໃນປີ 2024.