ຜັນຂະຫຍາຍບ້ວງເງິນໜູນຊ່ວຍຮັບປະກັນຊີວິດສັງຄົມ
06/04/2020 09:10
(VOVWORLD) - ລັດຖະບານຫວຽດນາມ ພວມກະກຽມສະໜອງບ້ວງເງິນໜູນຊ່ວຍສັງຄົມ ເຊິ່ງບໍ່ເຄີຍມີມາກ່ອນໃນສະພາບການທີ່ໂລກລະບາດໂຄວິດ - 19 ໄດ້ສົ່ງຜົນກະທົບຫຍໍ້ທໍ້ຕໍ່ພື້ນຖານເສດຖະກິດ. ບ້ວງເງິນໜູນຊ່ວຍດັ່ງກ່າວ ອາດຈະຂຶ້ນກວ່າ 61.000 ຕື້ດົ່ງ (ເຊິ່ງເທົ່າກັບ 2,6 ຕື້ USD) ເພື່ອໜູນຊ່ວຍໃຫ້ຊາວຜູ້ອອກແຮງງານທີ່ຖືກວ່າງງານ, ລາຍຮັບຖືກຫຼຸດລົງຫຼາຍ... ສິ່ງດັ່ງກ່າວ ໄດ້ສະແດງໃຫ້ເຫັນເຖິງຄວາມມານະພະຍາຍາມ ແລະ ມີຄວາມຮັບຜິດຊອບຢ່າງສູງຂອງລັດຖະບານຫວຽດນາມ ໃນການປະຕິບັດໜ້າທີ່ຄວບຄູ່: ທັງປ້ອງກັນ ແລະ ສະກັດກັ້ນໂລກລະບາດ ທັງຮັບປະກັນຊີວິດສັງຄົມໃຫ້ແກ່ປະຊາຊົນເປັນປົກກະຕິ.
ກ່າວຄຳເຫັນທີ່ກອງປະຊຸມກ່ຽວກັບວຽກງານປ້ອງກັນ ແລະ ສະກັດກັ້ນໂລກລະບາດໂຄວິດ - 19 ໃນຊຸມວັນຜ່ານມາ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ເນັ້ນໜັກວ່າ ຜົນກະທົບຂອງໂລກລະບາດແມ່ນໃຫຍ່ຫຼວງທີ່ສຸດ, ບໍ່ພຽງແຕ່ສຳລັບການຜະລິດດຳເນີນທຸລະກິດ, ການເກັບງົບປະມານເທົ່ານັ້ນ ຫາກຍັງສົ່ງສະທ້ອນເຖິງຊີວິດການເປັນຢູ່ຂອງປະຊາຊົນ, ໂດຍສະເພາະແມ່ນຄົນທຸກຍາກ, ກຳມະກອນຖືກວ່າງງານ ແລະ ບາງເປົ້າໝາຍອື່ນໆ ທີ່ບໍ່ມີເງິນທ້ອນແຮໄວ້. ເພາະສະນັ້ນ, ເລື່ອງສະເໜີບັນດາບ້ວງເງິນໜູນຊ່ວຍລະອຽດໃຫ້ບັນດາເປົ້າໝາຍນີ້ ແມ່ນຈຳເປັນທີ່ສຸດ.
TAG
VOV/VOVworld/ບ້ວງເງິນ/ໜູນຊ່ວຍ/ສັງຄົມ/ຊາວຜູ້ອອກແຮງງານ
Related
