(VOVWORLD) - ສະພາບການເສດຖະກິດ-ສັງຄົມ ຂອງຫວຽດນາມ ໃນໄລຍະ 9 ເດືອນຕົ້ນປີ 2019 ສືບຕໍ່ບັນລຸໄດ້ບັນດາໝາກຜົນທີ່ຮອບດ້ານພໍສົມຄວນ: ການເຕີບໂຕບັນລຸລະດັບສູງພໍສົມຄວນ, ເສດຖະກິດມະຫາພາກມີສະຖຽນລະພາບ, ໄພເງິນເຟີ້ ໄດ້ຮັບການຄວບຄຸມເປັນຢ່າງດີ, ບັນດາພາກສ່ວນສໍາຄັນຂອງພື້ນຖານເສດຖະກິດໄດ້ຮັບການປັບປຸງ, ຊີວິດສັງຄົມໄດ້ຮັບຄວາມເອົາໃຈໃສ່ ແລະ ຮັບປະກັນ, ຄຸນນະພາບຊີວິດການເປັນຢູ່ຂອງປະຊາຊົນກໍໄດ້ຮັບການຍົກສູງຂຶ້ນ. ປີ 2019 ແມ່ນປີທີ 2 ຢ່າງລຽນຕິດທີ່ຫວຽດນາມ ບັນລຸ ແລະ ລື່ນກາຍບັນດາຕົວເລກຄາດໝາຍຕົ້ນຕໍທັງໝົດ ໂດຍສະພາແຫ່ງຊາດໄດ້ມອບໝາຍໃຫ້; ແມ່ນພື້ນຖານອັນໝັ້ນແກ່ນ ເພື່ອປະຕິບັດສໍາເລັດແຜນການພັດທະນາເສດຖະກິດ-ສັງຄົມ, ງົບປະມານແຫ່ງລັດ ໄລຍະ 5 ປີ 2016 – 2020.