ຮ່ວມມືກັນເພື່ອແກ້ໄຂຜົນຮ້າຍຢ້ອນຫຼັງຈາກສົງຄາມ: ກໍ່ສ້າງ ແລະ ປັບປຸງຄວາມໄວ້ເນື້ອເຊື່ອໃຈລະຫວ່າງ ຫວຽດນາມ - ອາເມລິກາ
25/03/2019 09:06
(VOVWORLD) -ກອງປະຊຸມສໍາມະນາ “ແກ້ໄຂຜົນຮ້າຍຢ້ອນຫຼັງຈາກສົງຄາມ: ໄລຍະທາງໄກ່ເກ່ຍ ແລະ ຮ່ວມມືໃນອະນາຄົດລະຫວ່າງຫວຽດນາມ ແລະ ອາເມລິກາ” ຈະຖືກດໍາເນີນໃນວັນທີ 26 ມີນາ ຢູ່ນະຄອນຫຼວງ ວໍຊິງຕັນ, ອາເມລິກາ. ດ້ວຍໄລຍະເກືອບ 44 ປີ ນັບແຕ່ເມື່ອສິ້ນສຸດສົງຄາມ ແລະ 25 ປີ ແຫ່ງວັນສ້າງຕັ້ງການພົວພັນລະຫວ່າງຫວຽດນາມ ແລະ ອາເມລິກາ ເປັນປົກກະຕິ ໄດ້ບັນລຸໝາກຜົນຕັ້ງໜ້າໃນການຮ່ວມມື ແກ້ໄຂຜົນຮ້າຍຢ້ອນຫຼັງຈາກສົງຄາມຢູ່ຫວຽດນາມ ແລະ ເຫດການດັ່ງກ່າວ ອີກຄັ້ງໜຶ່ງໄດ້ຢັ້ງຢືນໃຫ້ເຫັນຄວາມມານະພະຍາຍາມຈາກສອງຝ່າຍ ເພື່ອແນໃສ່ ສ້າງຄວາມໄວ້ເນື້ອເຊື່ອໃຈ, ສືບຕໍ່ກໍ່ສ້າງສາຍພົວພັນອັນດີງາມລະຫວ່າງຫວຽດນາມ ແລະ ອາເມລິກາ.
ຫວຽດນາມ ແລະ ອາເມລິກາ ໄດ້ເຄີຍຜ່ານຜ່າສົງຄາມດ້ວຍບັນດາຜົນຮ້າຍຢ້ອນຫຼັງອັນໜັກໜ່ວງ. ມີຫຼາຍລ້ານຄົນໄດ້ຮັບບາດເຈັບ ແລະ ເສຍຊີວິດ. ນັ້ນແມ່ນການສູນເສຍອັນໃຫຍ່ຫຼວງທີ່ສຸດ ເຊິ່ງຫຼາຍຄອບຄົວຂອງສອງປະເທດຕ້ອງແບກຫາບ, ພິເສດ, ສົງຄາມ ຍັງໄດ້ກໍ່ຜົນຮ້າຍຢ້ອນຫຼັງອັນໜັກໜ່ວງທີ່ສຸດໃຫ້ແກ່ຫຼາຍລຸ້ນຄົນຂອງຫວຽດນາມ. ນັບແຕ່ເມື່ອສອງປະເທດສ້າງການພົວພັນທາງການທູດເປັນປົກກະຕິມາຮອດປັດຈຸບັນ, ວຽກງານແກ້ໄຂຜົນຮ້າຍຢ້ອນຫຼັງຈາກສົງຄາມ ຄື ຊອກຫາທະຫານຖືກຫາຍສາບສູນ, ການເກັບກູ້ລະເບີດຍັງບໍ່ທັນແຕກ, ລ້າງທາດພິດ ດີໂອຊີນ... ໄດ້ຮັບຖືວ່າ ແມ່ນວຽກງານບຸລິມະສິດແຖວໜ້າຂອງການຮ່ວມມືລະຫວ່າງສອງປະເທດ.
TAG
VOV/VOVworld/ສະເລີຍເສິກ/ອາເມລິກາ/ສົງຄາມ/ທາດພິດດີໂອຊີນ
Related
