ຕອນເຊົ້າວັນທີ 22/12, ຢູ່ຮ່າໂນ້ຍ, ໄດ້ຈັດໃຫ້ມີກອງປະຊຸມຂອງລັດຖະບານຫວຽດນາມກັບການນຳບັນດາແຂວງ ນະຄອນໃນທົ່ວປະເທດ ຜັນຂະຫຍາຍມະຕິຂອງສະພາແຫ່ງຊາດ ກ່ຽວກັບໜ້າທີ່ພັດທະນາເສດຖະກິດສັງຄົມ ແລະງົບປະມານແຫ່ງລັດປີ 2012. ຕາມການຕີລາຄາຂອງລັດຖະບານແລ້ວ, ປີ 2011, ລະດັບການຈະເລີນເຕີບໂຕດ້ານເສດຖະກິດ GDP ປີ 2011 ຄາດວ່າບັນລຸເກືອບ 6%. ບັນດາພື້ນຖານເສດຖະກິດຕົ້ນຕໍສືບຕໍ່ທ່າຟື້ນຟູການຈະເລີນເຕີບໂຕ; ການສົ່ງອອກເພີ່ມຂຶ້ນປະມານ 25%; ອັດຕາສ່ວນການນຳເຂົ້າເກີນດຸນ/ການສົ່ງອອກໄດ້ຫລຸດລົງກ່ວາ 10%.... ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີຫວຽດນາມຫງວຽນເຕີນຢູງຊີ້ແຈ້ງວ່າ: “ຕ້ອງຊີ້ແຈ້ງບັນດາຂໍ້ຈຳກັດ, ໃນການບໍລິຫານ, ຄຸ້ມຄອງຢ່າງເຂັ້ມງວດ, ບໍ່ພຽງແຕ່ຍົກອອກສະພາບຕົວຈິງເທົ່ານັ້ນ ຫາກຍັງຕ້ອງຊີ້ແຈ້ງຂໍ້ຈຳກັດຂອງລະບົບຄຸ້ມຄອງຂອງພວກເຮົາອີກດ້ວຍ ເພື່ອປະຕິບັດໃຫ້ເປັນຢ່າງດີໃນປີ 2012”.
