ກອງປະຊຸມສຳມະນາສາກົນກ່ຽວກັບທະເລຕາເວັນອອກຢູ່ລັດເຊຍ

ດ້ວຍບົດປະກອບຄຳເຫັນກວ່າ 13 ບົດແມ່ນເວົ້າເຖິງ 4 ໝວດບັນຫາຕົ້ນຕໍຄື: ວິທີສຳຜັດດ້ານການທະຫານ ການເມືອງ ກັບການປະທະກັນຢູ່ທະເລຕາເວັນອອກ, ຄຳຕັດສິນຂອງສານອະນຸຍາໂຕຕຸລາການຢູ່ ລາໄຮ ປະເທດ ໂຮນລັງ ກ່ຽວກັບບັນຫາທະເລຕາເວັນອອກ ປີ 2016 ແລະ ຄວາມໝາຍຂອງມັນສຳລັບການແກ້ໄຂການປະທະກັນ, ອຳນາດການປົກຄອງໃຫມ່ຂອງອາເມລິກາ ແລະ ບັນຫານຳໃຊ້ການທະຫານຢູ່ເຂດທະເລຕະເວັນອອກ, ບັນດາປະເທດ ອາຊຽນ ແລະ ການພົວພັນກັບຈີນ ທີ່ກ່ຽວຂ້ອງເຖິງການປະທະກັນຢູ່ທະເລຕາເວັນອອກ. ບັນດາຜູ້ແທນໄດ້ໄຈ້ແຍກກ່ຽວກັບສະພາບການຢູ່ ທະເລຕາເວັນອອກ ປະຈຸບັນ, ພິເສດ ແມ່ນກວ່າ 1 ປີ ເມື່ອສານອະນາຍາໂຕຕຸລາການ ລາໄຮ ອອກຄຳຕັດສິນປະຕິເສດບັນດາຖະແຫລງການອະທິປະໄຕຂອງຈີນ  ພ້ອມທັງຍົກອອກບັນດາຂໍ້ສະເຫນີຊອກຫາທິດແກ້ໄຂການປະທະກັນຢູ່ທະເລຕາເວັນອອກຜ່ານທາງການທູດສັນຕິພາບ ແລະ ເຄົາລົບກົດໝາຍສາກົນ.

ສິ້ນສຸດກອງປະຊຸມສຳມະນາ, ບັນດາຜູ້ແທນໄດ້ຍົກອອກບັນດາຂໍ້ສະເຫນີແນະ ເພື່ອແກ້ໄຂການປະທະກັນຢູ່ທະເລຕາເວັນອອກໂດຍໄວ, ໃນນັ້ນ ເນັ້ນຫນັກເຖິງເລື່ອງຈີນ ຕ້ອງຢຸດຕິການກໍ່ສ້າງບັນດາເກາະທຽມ ແລະ ນຳໃຊ້ການທະຫານຢູ່ບັນດາເກາະນີ້, ຮັບປະກັນຫລັກການຄວາມເສລີໃນການເດີນທະເລ, ບັນດາຝ່າຍລົງນາມ ແລະ ປະຕິບັດກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ຢ່າງຄົບຖ້ວນ,  ຕັ້ງຫນ້າດຳເນີນບັນດາການເຈລະຈາສອງຝ່າຍ ແລະຫລາຍຝ່າຍ ເພື່ອຊອກຫາທິດແກ້ໄຂ.