 ການນຳ ອາເມລິກາ ແລະ ຈີນ(ພາບປະກອບ: EUTERS/Evelyn Hockstein)
|
ວັນທີ 18 ມີນາ, ແຈ້ງການຂອງ ຈີນ ໄດ້ເຫັນດີເປັນເອກະພາບຕໍ່ການໂຈະການຢ້ຽມຢາມ ປັກກິ່ງ ຂອງທ່ານ Donald Trump, ປະທານາທິບໍດີ ອາເມລິກາ, ເຊິ່ງຄາດວ່າຈະດຳເນີນໃນທ້າຍເດືອນນີ້.
ທ່ານນາງ Karoline Leavitt, ເລຂາສື່ມວນຊົນຂອງທຳນຽບຂາວ ໃຫ້ຮູ້ວ່າ ປະຈຸບັນ, ຍັງບໍ່ທັນມີກຳນົດເວລາລະອຽດ ແລະ ບັນດາເຈົ້າໜ້າທີ່ພວມມານພະຍາຍາມເພື່ອໃຫ້ການຢ້ຽມຢາມສາມາດດຳເນີນໄປຍິ່ງໄວກໍ່ຍິ່ງດີ. ກ່ອນໜ້ານັ້ນ, ວັນທີ 17 ມີນາ, ທ່ານປະທານາທິບໍດີ Donald Trump ໄດ້ເຜີຍໃຫ້ຮູ້ວ່າ ຈະໂຈະການໄປຢ້ຽມຢາມ ຈີນ ຕື່ມອີກປະມານ 5 – 6 ອາທິດ, ດ້ວຍເຫດຜົນສະພາບຄວາມເຄັ່ງຕຶງຢູ່ ອີຣານ.
ຕາມແຜນການໃນເບື້ອງຕົ້ນ, ຄາດວ່າ, ທ່ານປະທານາທິບໍດີ Donald Trump ຈະໄປຢ້ຽມຢາມ ຈີນ ແຕ່ວັນທີ 31 ມີນາ ຮອດວັນທີ 02 ເມສາ. ຄາດວ່າ, ການພົບປະລະຫວ່າງບັນດາການນຳ ອາເມລິກາ - ຈີນ ຈະສຸມໃສ່ບັນດາບັນຫາດ້ານການຄ້າ ແລະ ພວມດຳເນີນໄປໃນສະພາບຄວາມເຄັ່ງຕຶງລະຫວ່າງ 2 ປະເທດທີ່ກ່ຽວຂ້ອງເຖິງພາສີອາກອນ.
