ວັນທີ 5 ທັນວາ, ຢູ່ ຮ່າໂນ້ຍໄດ້ດຳເນີນພິທີລົງນາມໃນຖະແຫຼງ ການຮ່ວມກ່ຽວກັບຮ່າງແຜນການຮ່ວມມືໃນການເຄື່ອນໄຫວທາງດ້ານການບິນ ແລະ ອະວະກາດພົນລະເຮືອນລະຫວ່າງສະຖາບັນວິທະຍາສາດເຕັກໂນໂລຊີຫວຽດນາມ ( VAST ) ແລະ ອົງການການບິນອາວະກາດ ອາເມລິກາ ( NASA ). ນີ້ແມ່ນຂໍ້ຕົກລົງເປັນພື້ນຖານສະບັບທຳອິດລະຫວ່າງ ຫວຽດນາມ ແລະ NASA. ຕາມນັ້ນແລ້ວ, VAST ແລະ NASA ຈະຮ່ວມມືໃນບາງຂົງເຂດຈຸດສຸມຄື: ຄົ້ນຄ້ວາບັນດາການນຳໃຊ້ອາວະກາດເພື່ອຈຸດປະສົງສັງຄົມ, ຣ່ວມມືແລກປ່ຽນບັນດາຂໍ້ມູນກ່ຽວກັບການຄົ້ນຄວ້າໜ່ວຍໂລກຜ່ານດາວທຽມ, ຟີຊິກໜ່ວຍໂລກ, ສິ່ງແວດລ້ອມ, ໂຄງການຄົ້ນຄວ້າດິນຟ້າອາກາດຢູ່ອາຊີ, ເຂົ້າຮ່ວມການບຳລຸງສ້າງແຫຼ່ງຊັບພະຍາກອນມະນຸດເພື່ອຮັບໃຊ້ໃຫ້ແກ່ບັນດາໂຄງການຄົ້ນຄ້ວາອາວະກາດ ແລະ ອື່ນໆ. ພາຍຫຼັງສັນຍາແມ່ໄດ້ຮັບການລົງນາມ, VAST ແລະ NASA ຈະແຕ່າງຕັ້ງບັນດາຈຸຊ່ຽວຊານເພື່ອສ້າງແຜນການລະອຽດໃຫ້ແກ່ການປະຕິບັດບັນດາເນື້ອໃນທີ່ໄດ້ລົງນາມໃນສັນຍາ .
