ໃນການຕ້ອນຮັບທ່ານ Helmut Kutin, ປະທານອົງການໝູ່ບ້ານເດັກ SOS ສາກົນ, ຕອນບ່າຍວັນທີ 3 ມັງກອນ ຢູ່ ຮ່າໂນ້ຍ, ທ່ານນາງຮອງປະທານປະເທດ ຫວຽດນາມ ຫງວຽນທິຢວານ ໄດ້ຂອບອົກຂອບໃຈຕໍ່ການຊ່ວຍເຫຼືອຂອງອົງການໝູ່ບ້ານເດັກ SOS ສາກົນ ແລະ ຈິດໃຈເປັນພິເສດຂອງທ່ານປະທານ Helmut Kutin ທີ່ມີຕໍ່ ຫວຽດນາມ ໃນໄລຍະກວ່າ 24 ປີ່ທີ່ຜ່ານມາ. ທ່ານນາງຮອງປະທານປະເທດ ຫງວຽນທິຢວານ ໄດ້ເນັ້ນໜັກວ່າ ລັດຖະບານ ຫວຽດນາມ ຍາມໃດກໍ່ເອົາໃຈໃສ່ ແລະ ຮ່ວມມືກັບບັນດາອົງການສາກົນຢ່າງແໜ້ນແຟ້ນ ໃນນັ້ນມີອົງການໝູ່ບ້ານເດັກ SOS ສາກົນ ເພື່ອແນໃສ່ຍົກສູງປະສິດທິຜົນຂອງວຽກງານນີ້. ທ່ານປະທານອົງການໝູ່ບ້ານເດັກ SOS ສາກົນ Helmut Kutin ຍັງສະແດງຄວາມປິຕິຊົມຊື່ນເມື່ອເຫັນວ່າການຮ່ວມມືລະຫວ່າງອົງການໝູ່ບ້ານເດັກ SOS ສາກົນ ກັບລັດຖະບານ ຫວຽດນາມ ໃນໄລຍະທີ່ຜ່ານມາເຊິ່ງໄດ້ບັນລຸປະສິດທິຜົນໄດ້ຊ່ວຍເຫຼືອເດັກນ້ອຍດ້ອຍໂອກາດຫຼາຍໆຄົນໃນທົ່ວປະເທດ. ທ່ານໄດ້ຢືນຢັນວ່າ ໝູ່ບ້ານເດັກ SOS ສາກົນ ຈະສືບຕໍ່ຮ່ວມມື ແລະ ຊ່ວຍເຫຼືອ ຫວຽດນາມ ໃນໄລຍະທີ່ຈະມາເຖິງ .
