ຕອນເຊົ້າວັນທີ 20/12 ທີ່ ສູນກອງປະຊຸມສາກົນ ມ້ຽນມາ ຢູ່ນະຄອນຫລວງ Naypito ປະເທດມ້ຽນມາ, ທ່ານນາຍົກລັດຖະມົນຕີ ຫງວຽນເຕີຢູ໋ງ ພ້ອມດ້ວຍຫົວຫນ້າຄະນະຜູ້ແທນບັນດາປະເທດ ກຳປູເຈຍ, ລາວ, ມ້ຽນມາ, ໄທ ແລະ ຈີນ ເຂົ້າຮ່ວມພິທີໄຂກອງປະຊຸມສຸດຍອດບັນດາປະເທດອະນຸພາກພື້ນແມ່ນ້ຳຂອງເປີດກວ້າງຄັ້ງທີ 4 ຫລື GMS 4. ກອງປະຊຸມມີຫົວຂໍ້ວ່າ: ມູ້ງໄປເຖິງທົດສະວັດໃຫມ່ ກ່ຽວກັບການພົວພັນຄູ່ຮ່ວມມືພັດທະນາຍຸດທະສາດ GMS. ທ່ານນາຍົກລັດຖະມົນຕີ ຫງວຽນເຕີນຢູ໋ງ ພ້ອມກັບການນຳບັນດາປະເທດດັ່ງກ່າວ ສະແດງຄວາມພຶງດໍໃຈ ກ່ຽວກັບບັນດາໝາກຜົນທີ່ບັນລຸໄດ້ໃນການຜັນຂະຫຍາຍການເຄື່ອນໄຫວຕ່າງໆ ແລະ ໂຄງການຮ່ວມມືຂອງຮ່າງຍຸດທະສາດຮ່ວມມືອະນຸພາກພື້ນແມ່ນ້ຳຂອງ GMS 2002 -2012, ເປັນຕົ້ນໃນຂົງເຂດການຮ່ວມມືຄົມມະນາຄົມ, ພະລັງງານ, ຖະແຫລງຂ່າວ, ສ້າງຄວາມສະດວກໃນການຫັນການຄ້າເປັນເສລີ ແລະ ການລົງທຶນ, ກະສິກຳ, ການທ່ອງທ່ຽວ, ສິ່ງແວດລ້ອມ. ກອງປະຊຸມໄດ້ຮັບຮອງເອົາຮ່າງຍຸດທະສາດ GMS ໄລຍະ 10 ປີ ຄືແຕ່ປີ 2012 - 2022, ເປັນພື້ນຖານ ແລະ ການກຳນົດທິດໃຫ້ແກ່ການພັດທະນາການຮ່ວມມືເສດຖະກິດອະນຸພາກພື້ນ. ກອງປະຊຸມກໍເຫັນດີຮັບຮອງເອົາ: ຮ່າງການຮ່ວມມືໄລຍະ 2 ແຕ່ 2012 - 2016 ຂອງໂຄງການສິ່ງແວດລ້ອມຈຸດສຸມ CEP ຂໍ້ລິເລີ່ມອະນຸລັກຮັກສາຊີວະນາໆພັນ, ວິໄສທັດໃຫມ່ ແລະ ຍຸດທະສາດລວມໃຫ້ແກ່ໂຄງການຫນູນຊ່ວຍກະສິກຳຈຸດສຸມໃລຍະ 2011 - 2015, ຍຸດທະສາດ ແລະ ວິວັດການຂອງການທ່ອງທ່ຽວ GMS ໄລຍະ 2011- 2015. ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນເຕີນຢູ໋ງ ເນັ້ນຫນັກວ່າ: ຈຳເປັນຕ້ອງເພີ່ມທະວີການລະດົມເງິນລົງທຶນເພື່ອພັດທະນາພື້ນຖານໂຄງລ່າງກໍຄືປັບປຸງ ແລະ ສ້າງລະບອບການຮ່ວມມືອະນຸພາກພື້ນໃຫ້ສົມບູນແບບ, ຊຸກຍູ້ການປະສານສົມທົບລະຫວ່າງ ບັນດາຝ່າຍກ່ຽວຂ້ອງຈາກສູນກາງຕະຫລອດຮອດທ້ອງຖິ່ນ, ລະຫວ່າງລັດຖະບານ ແລະ ພາກເອກະຊົນໃນການພັດທະນາແລວເສດຖະກິດ.
ໃນຂອບເຂດກອງປະຊຸມດັ່ງກ່າວ, ທ່ານນາຍົກລັດຖະມົນຕີ ຫງວຽນເຕີນຢູ໋ງ ພ້ອມກັບບັນດາການນຳປະເທດເຫລົ່ານັ້ນ ໄດ້ເປັນສັກຂິພິຍານພິທີລົງນາມໃນບົດບັນທຶກຊ່ວຍຈຳ 3 ສະບັບ ລະຫວ່າງບັນດາປະເທດ GMS ກ່ຽວກັບການສົມທົບເຄື່ອນໄຫວເພື່ອບັນເທົາຜົນກະທົບຂອງ HIV ທີ່ມີຕໍ່ພົນລະເມືອງໄປມາ, ການຮ່ວມມືພັດທະນາລະບົບຂໍ້ມູນຂ່າວສານໃນອະນຸພາກພື້ນ GMS ແລະ ສ້າງຕັ້ງສະຫະສະມາຄົມຂົນສົ່ງ GMS. ອັດກອງປະຊຸມ, ທ່ານນາຍົກລັດຖະມົນຕີ ຫງວຽນເຕີນຢູ໋ງ ພ້ອມກັບບັນດາການນຳ GMS ອອກຖະແຫລງການຮ່ວມ: ພາຍຫລັງປີ 2012: ມຸ້ງໄປເຖິງທົດສະວັດໃຫມ່ກ່ຽວກັບການພົວພັນພັດທະນາຍຸດທະສາດ GMS.
