( vovworld ) - ຕອນບ່າຍວັນທີ 16/2, ທ່ານຮອງປະທານາທິບໍດີ ອັງໂກລາ Fernado Dias Dos Santos ໄດ້ເດີນທາງອອກຈາກນະຄອນຫຼວງ ຮ່າໂນ້ຍ, ສິ້ນສຸດການຢ້ຽມຢາມ ຫວຽດນາມ ເປັນທາງການໃນເວລາ 4 ວັນ.
ກ່ອນໜ້ານັ້ນ, ຕອນເຊົ້າວັນທີ 16/2, ຫ້ອງການການຄ້າ ແລະ ອຸດສາຫະກຳຫວຽດນາມ ສົມທົບກັບສະຖານທູດ Angola ປະຈຳຫວຽດນາມ ຈັດຕັ້ງເວທີປາໄສຫວຽດນາມ - Angola ດ້ວຍຫົວຂໍ້ວ່າ: “ຄູ່ຮ່ວມມືໃໝ່ເພື່ອການພັດທະນາ” ເນື່ອງໃນໂອກາດການຢ້ຽມຢາມຫວຽດນາມຢ່າງເປັນທາງການຂອງທ່ານຮອງ ປະທານາທິບໍດີ Angola Fenando Dias Dos Santos. ກ່າວຄຳເຫັນທີ່ເວທີປາໄສ, ທ່ານນາງຮອງປະທານປະເທດຫວຽດນາມ ຫງວຽນທິຢວານ ຊີ້ແຈງວ່າ: ຫວຽດນາມພວມສ້າງທຸກເງື່ອນໄຂອຳນວຍຄວາມສະດວກເພື່ອໃຫ້ບັນດາວິສາ ຫະກິດຕ່າງປະເທດລົງທຶນ, ຮ່ວມມື. ເລື່ອງບັນດາວິສາຫະກິດ Angola ມາຊອກຮູ້, ຮ່ວມມືລົງທຶນເຂົ້າຫວຽດນາມຈະປະກອບສ່ວນຊຸກຍູ້ສາຍພົວພັນອັນດີງາມລະ ຫວ່າງ 2 ປະເທດໃນໄລຍະທີ່ຈະມາເຖິງ. ທ່ານນາງຮອງປະທານປະເທດ ຫງວຽນທິຢວານ ເວົ້າວ່າ:
“ສາຍພົວພັນມິດຕະພາບລະຫວ່າງຫວຽດນາມ ແລະ Angola ໃນໄລຍະຜ່ານມາແມ່ນດີງາມທີ່ສຸດ, ອາດເວົ້າໄດ້ວ່າ: ຄວາມສາມາດບົ່ມຊ້ອນໃນການຮ່ວມມືລະຫວ່າງຫວຽດນາມແມ່ນຍັງຫຼາຍຢູ່, ພວກເຮົາຄວນເປີດກ້ວາງການລົງທຶນ, ຮ່ວມມືໃນຫຼາຍຂົງເຂດຄື: ກໍ່ສ້າງ, ໂທລະຄົມມະນາຄົມ, ຂຸດຄົ້ນບໍ່ແຮ່, ສູ້ຊົນນຳການຮ່ວມມືດ້ານເສດຖະກິດລະຫວ່າງ 2 ປະເທດໃຫ້ນັບມື້ນັບກ້າວເຂົ້າສູ່ລວງເລິກ, ມີປະສິດທິຜົນ ແລະ ແທດຈິງ, ເໝາະສົມກັບສາຍພົວພັນທາງການເມືອງອັນດີງາມລະຫວ່າງສອງປະເທດໃນ ໄລຍະຜ່ານມາ”
ໃນຂອບເຂດເວທີປາໄສ, ຕອນເຊົ້າວັນທີ 16/2, ໄດ້ຈັດພິທີລົງນາມໃນຂໍ້ຕົກລົງລະຫວ່າງສອງປະເທດ ກ່ຽວກັບສັນຍາກໍ່ສ້າງເຮືອນຢູ່ໃຫ້ແກ່ທະຫານ ແລະ ປະຊາຊົນ ອັງໂກລາ ທີ່ມີມູນຄ່າ 3 ຕຶ້ USD.
