ບັດດາພັກອິດສະລາມຢູ່ ອີຢິບສືບຕໍ່ຢັ້ງຢືນທີ່ຕັ້ງບົດບາດ
ຕາມນັກຂ່າວວິທະຍຸກະຈາຍສຽງຫວຽດນາມປະຈຳ ອີຢິບແລ້ວ, ວັນທີ 24/12, ຄະນະກຳມະການເລືອກຕັ້ງສູນສຸດ ອີຢິບ (ຫຼື SEC) ໃຫ້ຮູ້ວ່າ ບັນດາພັກອິດສະລາມ ສືບຕໍ່ຢັ້ງຢືນທີ່ຕັ້ງບົດບາດທີ່ສຳຄັນຂອງເຂົາເຈົ້າເມື່ອຍາດໄດ້ ກ່ວາ 65% ຈຳນວນບັດສະໜັບສະໜູນໃນການເລືອກຕັ້ງສະພາຕ່ຳຄັ້ງທີ 2 ທີ່ຖືກດຳເນີນໄປເມື່ອວັນທີ 14 – 15/12 ແລະ ການເລືອກຕັ້ງເພີ່ມເຕີມເມື່ອວັນທີ 21 – 22/12 ທີ່ຜ່ານມາ. ພັກເສລີພາບ ແລະ ພັກຍຸຕິທຳນຳໜ້າດ້ວຍ 36,5% ຈຳນວນບັດສະໜັບສະໜູນ, ຮອງລົງມາແມ່ນພັກອິດສະລາມ Al – Nour ດ້ວຍ 28,78% ຈຳນວນບັດສະໜັບສະໜູນ. ໃນຈຳນວນ 60 ທີ່ນັ່ງທີ່ສະຫງວນໃຫ້ແກ່ບັນດາສ່ວນບຸກຄົນ, ພັກເສລີພາບ ແລະ ຍຸຕິທຳຍາດໄດ້ 40 ທີ່ນັ່ງ, ສ່ວນພັກ Al – Nour ຍາດໄດ້ 13 ທີ່ນັ່ງ. ຜ່ານການເລືອກຕັ້ງ 2 ຄັ້ງ, ບັນດາພັກອິດສະລາມຢູ່ອີຢິບໄດ້ຢັ້ງຢືນທີ່ຕັ້ງບົດບາດຂອງຕົນ. ຄາດວ່າກອງປະຊຸມຄັ້ງທຳອິດຂອງສະພາຕ່ຳໃໝ່ຈະຖືກຈັດຂຶ້ນໃນວັນທີ 23/01/2012.
