 ທ່ານ David Stilwell ຜູ້ຊ່ວຍວຽກລັດຖະມົນຕີການຕ່າງປະເທດ ອາເມລິກາ |
ກ່າວຄຳເຫັນທີ່ພິທີສະເຫຼີມສະຫຼອງ, ທ່ານ David Stilwell ຜູ້ຊ່ວຍວຽກລັດຖະມົນຕີການຕ່າງປະເທດ ອາເມລິກາ ໄດ້ສົ່ງຄຳອວຍພອນຂອງທ່ານລັດຖະມົນຕີການຕ່າງປະເທດ ອາເມລິກາ Mike Pompeo, ໃນນັ້ນ ໄດ້ຕີລາຄາວ່າ ອາຊຽນ ໄດ້ກາຍເປັນພາກພື້ນສັນຕິພາບ, ສະຖຽນລະພາບ ແລະ ວັດທະນາຖາວອນກ່ວາ, ທ່ານຢັ້ງຢືນວ່າ ອາຊຽນ ແລະ ບັນດາກົນໄກໂດຍ ອາຊຽນ ນຳພາ ແມ່ນສ່ວນໜຶ່ງທີ່ມີຄວາມສຳຄັນໃນວິໄສທັດຂອງ ອາເມລິກາ ກ່ຽວກັບມະຫາສະໝຸດອິນເດຍ - ປາຊີຟິກ. ທ່ານ David Stilwell ໄດ້ເນັ້ນໜັກວ່າ ອາເມລິກາ ໄດ້, ພວມ ແລະ ຈະສືບຕໍ່ແບ່ງປັນບັນດາຫຼັກການທີ່ຍົກອອກໃນວິໄສທັດຂອງ ອາເມລິກາ ກໍ່ຄືຂອງ ອາຊຽນ ກ່ຽວກັບມະຫາສະໝຸດອິນເດຍ - ປາຊີຟິກ, ໃນນັ້ນ ສະໜັບສະໜູນບົດບາດໃຈກາງຂອງ ອາຊຽນ, ເຄົາລົບອະທິປະໄຕ, ກົດໝາຍ ແລະ ມີຄວາມໂປ່ງໃສ. ອາເມລິກາ ຈະສືບຕໍ່ຮ່ວມເດີນທາງພ້ອມກັບ ອາຊຽນ ເພື່ອເພີ່ມທະວີການພົວພັນຄູ່ຮ່ວມມືຍຸດທະສາດ ອາເມລິກາ - ອາຊຽນ, ໃນນັ້ນ ອາເມລິກາ ຈະສືບຕໍ່ໜູນຊ່ວຍ ອາຊຽນ ຍົກສູງກຳລັງຄວາມສາມາດໃນການເດີນເຮືອ.
