ຕອນເຊົ້າວັນທີ 9/12 ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕີນຢູງ, ທ່ານຮອງນາຍົກລັດຖະມົນຕີ ຫວູວັນນິນ, ຮ່ວາງຈູງຫາຍ ໄດ້ເປັນປະທານຮ່ວມກອງປະຊຸມສະຫຼຸບຮູບແບບກຸ່ມບໍລິສັດເສດຖະກິດແຫ່ງລັດ. ປະຈຸບັນ, ຫວຽດນາມໄດ້ ມີ 12 ກຸ່ມບໍລິສັດເສດຖະກິດແຫ່ງລັດ. ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ຮຽກຮ້ອງໃຫ້ກະຊວງ, ຂະແໜງການທີ່ກ່ຽວຂ້ອງສືບຕໍ່ດຳເນີນການສະຫຼຸບຕີລາຄາຮູບແບບກຸ່ມບໍລິສັດເສດຖະກິດແຫ່ງລັດທົດລອງ ຢ່າງເລິກເຊິ່ງ ແລະ ລະອຽດກ່ວາ. ທ່ານນາຍົກລັດຖະມົນຕີຮຽກຮ້ອງບັນດາກະຊວງ, ຂະແໜງການທີ່ກ່ຽວຂ້ອງ, ພິເສດແມ່ນກະຊວງແຜນການ ແລະ ການລົງທຶນ, ຄະນະຊີ້ນຳການປ່ຽນໃໝ່ ແລະ ພັດທະນາວິສາຫະກິດຕ້ອງສືບຕໍ່ກວດກາສ້າງສຳເລັບກົດໝາຍແມ່, ລະບຽບກົດໝາຍ ສຳລັບບັນດາລັດວິສາຫະກິດເວົ້າລວມ ແລະ ກຸ່ມບໍລິສັດເສດຖະກິດແຫ່ງລັດເວົ້າສະເພາະຢ່າງລະອຽດ. ທ່ານ ນາຍົກລັດຖະມົນຕີ ຫງວຽນເຕີນຢູງ ຊີ້ແຈງກົນໄກປະຕິບັດສິດເປັນເຈົ້າຂອງລັດ ຢູ່ບັນດາກຸ່ມບໍລິສັດເສດຖະກິດ. “ກ່ອນອື່ນໝົດ, ຕ້ອງປັບປຸ່ງດຳລັດປະຕິບັດສິດເປັນເຈົ້າ, ລັດຖະບານ, ນາຍົກລັດຖະມົນຕີ, ສະພາບໍລິຫານ, ບໍລິສັດໃຫຍ່ລົງທຶນ ແລະ ວິສາຫະກິດທີ່ໄດ້ຫັນເປັນຫຸ່ນສ່ວນ ແລະ ລະບຽບກົດໝາຍນີ້ຕ້ອງໄດ້ຮັບການກວດກາຄືນເພື່ອສ້າງໃຫ້ ສຳເລັດ. ຂ້າພະເຈົ້າສະເໜີໃຫ້ສຸມໃສ່ 2 ຂອດນັ້ນແມ່ນ: ສະພາບໍລິຫານ ແລະ ກະຊວງຮັບຜິດຊອບຄຸ້ມຄອງຂະແໜງ”
ທ່ານນາຍົກລັດຖະມົນຕີ ຫງວຽນເຕີນຢູງ ກໍ່ຮຽກຮ້ອງສ້າງສຳເລັດກອບກົດໝາຍທີ່ມີຕໍ່ຮູບແບບ ແລະ ກົນໄກບໍລິຫານຂອງບັນດາກຸ່ມບໍລິສັດເສດຖະກິດ; ເສີມຂະຫຍາຍບົດບາດໜ້າທີ່ ແລະ ລັກສະນະຂອງອົງການພັກໃນ
ວິສາຫະກິດ, ຈຳແນກສິດໃນວຽກງານພະນັກງານຢ່າງລະອຽດ. ນັ້ນແມ່ນພື້ນຖານເພື່ອໃຫ້ລັດຖະບານປະກາດໃຊ້ບັນດານະໂຍບາຍອາດຈະເຮັດໃນຕົ້ນປີໜ້າ, ພ້ອມກັນນັ້ນກໍສ້າງສຳເລັດແຜນຮ່າງສ້າງໂຄງປະກອບລັດວິສາຫະກິດຄືນໃໝ່.
