 ຜູ້ຕາງໜ້າບັນດາປະເທດລົງນາມໃນຂໍ້ຕົກລົງຮ່ວມມືພັດທະນາເຂດ 3 ຫຼ່ຽມພັດທະນາ (ພາບ: TTXVN) |
ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງແຜນການ ແລະ ການລົງທຶນ ຫວຽດນາມ, ທ່ານເຈິ່ນກວັກເຟືອງ, ຢັ້ງຢືນວ່າ ໃນ 25 ປີ ຜ່ານມາ, ສາມປະເທດ ກຳປູເຈຍ - ລາວ - ຫວຽດນາມ ໄດ້ສົມທົບກັນປະຕິບັດຫຼາຍໂຄງການ, ການເຄື່ອນໄຫວຮ່ວມ, ປະກອບສ່ວນພັດທະນາເສດຖະກິດຂອງບັນດາທ້ອງຖິ່ນໃນເຂດເຕີບໂຕໄດ້ດີພໍສົມຄວນ. ວຽກງານຫຼຸດຜ່ອນຄວາມທຸກຍາກບັນລຸໝາກຜົນຕັ້ງໜ້າ, ຊີວິດທາງດ້ານວັດຖຸ ແລະ ຈິດໃຈຂອງປະຊາຊົນໄດ້ຮັບການປົວແປງຢ່າງບໍ່ຢຸດຢັ້ງ. ການປ້ອງກັນຊາດ, ປ້ອງກັນຄວາມສະຫງົບໄດ້ຮັບການຮັກສາຢ່າງໝັ້ນຄົງ, ປະກອບສ່ວນສ້າງເສັ້ນຊາຍແດນແຫ່ງສັນຕິພາບ, ມີສະຖຽນລະພາບ, ມິດຕະພາບ ແລະ ພ້ອມກັນພັດທະນຂອງທັງສາມຊາດ. ທ່ານ ເຈິ່ນກວັກເຟືອງ ສະເໜີໃຫ້ 3 ປະເທດ ເພີ່ມທະວີການສົມທົບ ແລະ ວາງອອກມາດຕະການທີ່ຮອບດ້ານກວ່າ ເພື່ອສ້າງບາດກ້າວກະໂດດຂັ້ນໃນການຜັນຂະຫຍາຍບັນດາຂໍ້ຕົກລົງຮ່ວມມືໃນເຂດສາມຫຼ່ຽມພັດທະນາ CLV…
