ວັນທີ 18/12, ລັດຖະມົນຕີກະຊວງປ້ອງກັນປະເທດ ອາເມລິກາ ໄດ້ລົງນາມໃນເອກະສານຢຸດຕິສົງຄາມຢູ່ ອີຮັກຢ່າງເປັນທາງການ. ຕາມເລຂາຂອງໜັງສືພິມທຳນຽບຫ້າແຈ George Litle ແລ້ວ, ລັດຖະມົນຕີກະຊວງປ້ອງກັນປະເທດ ອາເມລິກາ ໄດ້ລົງນາມໃນເອກະສານສິ້ນສຸດສົງຄາມທີ່ແກ່ຍາວຢູ່ ອີຮັກ ມາເປັນເວລາ 9 ປີ. ກ່ອນໜ້ານັ້ນ, ທະຫານ ອາເມລິກາ ຫົວໜ່ວຍສຸດທ້າຍ ລວມມີ 500 ຄົນ ໄດ້ອອກຈາກ ອີຮັກ ໄປຍັງ ຄູເວດ. ການຖອນທະຫານອອກຈະສິ້ນສຸດກ່ອນເວລາກຳນົດໃນວັນທີ 31/12 ເຊິ່ງປະທານາທິບໍດີ ອາເມລິກາ Barack Obama ໄດ້ວາງອອກ ເພື່ອປະຕິບັດສຳເລັດຄຳໝັ້ນສັນຍາເລືອກຕັ້ງຂອງທ່ານ, ຕາມນັ້ນແລ້ວ, ທະຫານ ອາເມລິກາ ທັງໝົດຈະຖອນອອກຈາກ ອີຮັກ ຄືດັ່ງໄດ້ເຫັນດີເປັນເອກະສັນໃນສັນຍາປ້ອງກັນຄວາມສະຫງົບ ເຊິ່ງໄດ້ຮັບການລົງນາມລະຫວ່າງສອງປະເທດ ກ່ອນປີ 2008. ຄາດວ່າມີທະຫານ ອາເມລິກາ 4.500 ຄົນ ແລະ ຊາວ ອີຮັກ ນັບແສນຄົນ ໄດ້ເສຍຊີວິດ, ນັບແຕ່ ອາເມລິກາ ດຳເນີນສົງຄາມຢູ່ ອີຮັກ ເມື່ອປີ 2003.
