ເຊີດຊູ ຜະລິດຕະພັນ, ການບໍລິການຫວຽດນາມທີ່ໄດ້ຮັບການນິຍົມຊົມໃຊ້ປີ 2011
ໃນຂອບເຂດລາຍການ “ສັບປະດາວັດທະນະທຳການຊົມໃຊ້ສິນຄ້າຫວຽດນາມ“, ຕອນເຊົ້າວັນທີ 25/12, ຢູ່ຮ່າໂນ້ຍ, ຄະນະໂຄສະນາສຶກສາສູນກາງພັກ ສົມທົບກັບກະຊວງອຸດສາຫະກຳ ແລະ ການຄ້າຫວຽດນາມ, ໜັງສືພິມເອເລັກໂຕນິກພັກກອມມູນິດຫວຽດນາມໄດ້ຈັດຕັ້ງພິທີເຊີດຊູ “ຜະລິດຕະພັນ, ການບໍລິການຫວຽດນາມທີ່ໄດ້ຮັບການນິຍົມຊົມໃຊ້ປີ 2011“. ນີ້ແມ່ນການເຄື່ອນໄຫວເພື່ອແນໃສ່ເຊີດຊູບັນດາຜະລິດຕະພັນ, ການບໍລິການທີ່ມີຄຸນນະພາບດີ, ລາຄາເໝາະສົມ, ໄດ້ຮັບຄວາມນິຍົມຊົມໃຊ້ຈາກຜູ້ບໍລິໂພກ, ອຸປະໂພກ. ທ່ານນາງ ເລທິນາມເຟືອງ, ປະທານສະພາຄຸ້ມຄອງໂຮງຮຽນສາມັນຄຸນນະພາບສູງ Sky – line ໃຫ້ຮູ້ວ່າ:
“ອາດເວົ້າໄດ້ວ່າ: ການເຊີດຊູບັນດານັກທຸລະກິດຫວຽດນາມ, ບັນດາຜະລິດຕະພັນ, ເຄື່ອງໝາຍການຄ້າ, ການບໍລິການແມ່ນການຮັບຮູ້ຈາກວົງຄະນະຍາດ, ບັນດາຂະແໜງການຂັ້ນຕ່າງໆທີ່ມີຕໍ່ຄວາມມະນາພະຍາຍາມຂອງປະຊາຄົມນັກທຸລະກິດ, ວິສາຫະກິດກໍ່ຄືຜູ້ອອກແຮງງານໃນໄລຍະທີ່ຜ່ານມາ. ຂ້າພະເຈົ້າຄິດວ່າ: ນີ້ແມ່ນການສະແດງຄວາມຮັກຕໍ່ປະເທດຫວຽດນາມຂອງພວກເຮົາເພື່ອຜ່ານຜ່າທຸກຄວາມຫຍູ້ງຍາກ ກໍ່ຄືປະກອບສ່ວນໃຫ້ແກ່ຫວຽດນາມພັດທະນາແບບຍືນຍົງ”
