ວັນທີ 23 ທັນວາ, ທ່ານ ວູ້ຈ້ອງກິມ ຮອງປະທານ ທັງເປັນເລຂາທິການໃຫຍ່ ຄະນະກຳມະການແນວໂຮມປະເທດຊາດນະຄອນ ຫາຍຟ່ອງ ພ້ອມດ້ວຍຄະນະ ໄດ້ລົງໄປຢ້ຽມຢາມສຳນັກສັງຄະລາດ ຫາຍຟ່ອງ. ທ່ານໄດ້ຕີລາຄາສູງສາຍພົວພັນອັນດີງາມລະຫວ່າງສຳນັກສັງຄະລາດ ຫາຍຟ່ອງ ກັບອຳນາດການປົກຄອງທ້ອງຖິ່ນ ແລະ ການເຂົ້າຮ່ວມຢ່າງຕັ້ງໜ້າຂອງພໍ່ແມ່ພີນ້ອງຊາວຄິດເຂົ້າໃນບັນດາຂະບວນ ການແຂ່ງຂັນຮັກຊາດ. ໃນວັນດຽວກັນ, ທ່ານ ຮ່າວັນນຸ້ຍຮອງປະທານ ຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ໄປຢ້ຽມຢາມສຳນັກສັງຄະລາດ ບ່າເຣັ້ຍ. ທ່ານກໍ່ໄດ້ຕີລາຄາສູງຄວາມສາມັກຄີກັບຊາວທ້ອງຖິ່ນ, ພ້ອມກັນນັ້ນກໍ່ຕັ້ງໜ້າປະກອບ ສ່ວນເຂົ້າໃນການພັດທະນາເສດຖະກິດ, ສັງຄົມ, ການເມືອງ, ຮັບປະກັນຄວາມເປັນລະບຽບຮຽບຮ້ອຍໃນສັງຄົມ. ຢູ່ນະຄອນໂຮ່ຈິມິນ, ຄະນະການນຳນະຄອນໂຮ່ຈິມິນໂດຍທ່ານ ຫງວຽນວັນດົວ ຮອງເລຂາຜູ້ປະຈຳການຄະນະພັກນະຄອນ ນຳໜ້າໄດ້ລົງໄປຢ້ຽມຢາມ, ອວຍພອນ ສຳນັກສັງຄະລາດນະຄອນ ໂຮ່ຈິມິນ, ຄະນະກຳມະການສາມັກຄີຊາວຄິດນະຄອນ ໂຮ່ຈິມິນ ແລະ ສະຫະສະມາຄົມສາສະໜາໂປແຕັສຕັງ ຫວຽດນາມ.
ສ່ວນຢູ່ແຂວງ ເກີນເທີ, ຕອນບ່າຍວັນທີ 23 ທັນວາ, ຄະນະປະຕິບັດງານຂອງ ນະຄອນໂດຍທ່ານ ເຈີນແທງເມີ້ນ ເລຂາພັກແຂວງ ນຳໜ້າໄດ້ລົງໄປຢ້ຽມຢາມ, ອວຍພອນວັນບຸນຄິດສມາດປີ 2011 ຢູ່ທີ່ ສຳນັກສັງຄະລາດ ເກີນເທີ. ທ່ານ ຟ້າມກົງຈ້ອງ ປະທານສະພາຮັບຜິດຊອບເຂດຊາວຄິດ ສັງກັດສຳນັກສັງຄະລາດ ເກີນເທີ ທີ່ຂຶ້ນກັບຕາແສງ ອານໂຮ້ຍ ເມືອງນິງກ່ຽວ ໃຫ້ຮູ້ວ່າ :
“ພວກຂ້າພະເຈົ້າພາກພູມໃຈທີ່ສຸດຕໍ່ໜ້າການພັດທະນາຂອງປະເທດຊາດ ແລະ ຕໍ່ໜ້າຄວາມ ເອົາໃຈໃສ່ ຂອງຄະນະພັກ, ຂະແໜງການຂັ້ນຕ່າງໆ ແລະບັນດາ ອົງການຈັດຕັ້ງໃນນະຄອນ ທີ່ໄດ້ມາຢາມ ແລະມອບຂອງຂວັນໃຫ້ແກ່ພວກຂ້າພະ ເຈົ້າ. ພວກຂ້າພະເຈົ້າໝັ້ນໝາຍຈະສ້າງການດຳລົງຊີວິດ ແລະ ສ້າງສາສະໜາໃຫ້ ດີງາມ, ປະກອບສ່ວນສ້າງສາບ້ານເກີດເມືອງນອນປະເທດຊາດໃຫ້ນັບມື້ນັບອຸດົມ ຮ່ັງມີ ສວຍງາມກ່ວາເກົ່າ ” .
