៥០ ឆ្នាំនៃទំនាក់ទំនងវៀតណាម-ហ្វីលីពីន៖ បើកចេញសន្ទុះថ្មី លើកកម្ពស់ភាពជាដៃគូយុទ្ធសាស្ត្រ
12/04/2026 05:36
[VOVWORLD] - ឆ្នាំ២០២៦ ត្រូវបានចាត់ទុកជាឆ្នាំដែលមានខ្លឹមសារសំខាន់ៗជាច្រើននៅក្នុងទំនាក់ទំនងវៀតណាម-ហ្វីលីពីន ដោយចំណុចលេចធ្លោគឺខួបលើកទី៥០ ទិវាការបង្កើតទំនាក់ទំនងការទូតរវាងប្រទេសទាំងពីរ (១៩៧៦-២០២៦)។
លើសពីនេះ ភាគីទាំងពីរនឹងបន្តរួមដំណើរ និងសម្របសម្រួលគ្នាប្រកបដោយប្រសិទ្ធភាពក្នុងបរិបទដែលប្រទេសហ្វីលីពីនកាន់តំណែងជាប្រធានអាស៊ាន និងវៀតណាមចាប់ផ្តើមអនុវត្តគោលនយោបាយការបរទេសក្នុងស្មារតី និងទិសដៅថ្មីបន្ទាប់ពីមហាសន្និបាតលើកទី១៤ នៃបក្សកុម្មុយនិស្តវៀតណាម។ ក្នុងឱកាសនេះ អ្នកយកព័ត៌មាននៃវិទ្យុវៀតណាមទទួលបន្ទុកតំបន់អាស៊ានបានធ្វើបទសម្ភាសន៍ជាមួយលោក ឡៃ ថៃ ប៊ិញ ឯកអគ្គរដ្ឋទូតវៀតណាមប្រចាំនៅហ្វីលីពីន អំពីសសរស្តម្ភសំខាន់នៃទំនាក់ទំនងរវាងប្រទេសទាំងពីរ។ 52d94fdf-b7d7-43e6-a34f-a7d264bfcc96.jpg ឯកអគ្គរដ្ឋទូតវៀតណាមប្រចាំនៅហ្វីលីពីន លោក ឡៃ ថៃ ប៊ិញ ។ រូបថត៖ VOV យោងតាមឯកអគ្គរដ្ឋទូត ឡៃ ថៃ ប៊ិញ រយៈពេល ៥០ ឆ្នាំចាប់តាំងពីវៀតណាម និងហ្វីលីពីនបានបង្កើតទំនាក់ទំនងការទូតឆ្លុះបញ្ចាំងយ៉ាងច្បាស់អំពីភាពចាស់ទុំ និងស៊ីជម្រៅនៃទំនាក់ទំនងទ្វេភាគី។ ពីមូលដ្ឋាននៃកិច្ចសហប្រតិបត្តិការដំបូង ប្រទេសទាំងពីរបានបង្កើតភាពជាដៃគូយុទ្ធសាស្ត្រជាបន្តបន្ទាប់ ដោយពង្រីកកិច្ចសហប្រតិបត្តិការលើវិស័យជាច្រើន។ កិច្ចសហប្រតិបត្តិការនយោបាយ និងការទូតនៅតែជាសសរស្តម្ភដ៏សំខាន់ ដោយផ្តោតលើការពង្រឹងទំនុកចិត្តនយោបាយ ការផ្លាស់ប្តូរកម្រិតខ្ពស់ និងការសម្របសម្រួលយ៉ាងជិតស្និទ្ធនៅក្នុងវេទិកាតំបន់ និងអន្តរជាតិ។ កិច្ចសហប្រតិបត្តិការលើវិស័យសមុទ្រ សន្តិសុខ និងការពារជាតិត្រូវបានសង្កត់ធ្ងន់កាន់តែខ្លាំងឡើង ដែលឆ្លុះបញ្ចាំងពីផលប្រយោជន៍រួមរបស់ប្រទេសជាប់ឆ្នេរសមុទ្រទាំងពីរ។ ភាគីទាំងពីរនឹងបង្កើនការសម្របសម្រួលគ្នាក្នុងការធានាសន្តិសុខ និងសុវត្ថិភាពសមុទ្រ ការអនុវត្តច្បាប់សមុទ្រ ការទប់ស្កាត់និងគ្រប់គ្រងឧប្បត្តិហេតុនៅលើសមុទ្រ។ ពាណិជ្ជកម្មទ្វេភាគីត្រូវបានពង្រីកដោយឥតឈប់ឈរ ហើយកំពុងឆ្ពោះទៅរកគោលដៅ ១០ ពាន់លានដុល្លារអាមេរិក ក្នុងនោះ វៀតណាមដើរតួនាទីយ៉ាងសំខាន់ក្នុងការធានាប្រភពផ្គត់ផ្គង់អង្ករប្រកបដោយស្ថិរភាពសម្រាប់ហ្វីលីពីន។ ទន្ទឹមនឹងនោះ កិច្ចសហប្រតិបត្តិការវិនិយោគទ្វេភាគីបានកត់ត្រាការអភិវឌ្ឍថ្មីៗ ជាពិសេសក្នុងវិស័យអាកាសចរណ៍ ផលិតកម្ម បច្ចេកវិទ្យាព័ត៌មាន ថាមពល និងសេវាកម្ម។ នៅឆ្នាំ ២០២៥ វៀតណាមបានវិនិយោគជាង ៩០ លានដុល្លារអាមេរិកនៅប្រទេសហ្វីលីពីន ខណៈដែលប្រទេសហ្វីលីពីនបានវិនិយោគជាង ២០០ លានដុល្លារអាមេរិកចូលវៀតណាម។ ក្នុងបរិបទនៃការផ្លាស់ប្តូររវាងប្រជាជន និងប្រជាជនត្រូវបានយកចិត្តទុកដាក់កាន់តែខ្លាំង កិច្ចសហប្រតិបត្តិការក្នុងវិស័យទេសចរណ៍ វប្បធម៌ និងការអប់រំរវាងវៀតណាម និងហ្វីលីពីនបានបង្ហាញពីវឌ្ឍនភាពគួរឱ្យកត់សម្គាល់។ ការពង្រីកជើងហោះហើរត្រង់ និងសកម្មភាពផ្លាស់ប្តូរវប្បធម៌ បានរួមចំណែកធ្វើឲ្យស៊ីជម្រៅថែមទៀតនូវការយល់ដឹងគ្នាទៅវិញទៅមក និងចំណងមិត្តភាពរវាងប្រជាជននៃប្រទេសទាំងពីរ ដោយបង្កើតមូលដ្ឋានសង្គមដ៏រឹងមាំសម្រាប់ទំនាក់ទំនងទ្វេភាគី។ ឯកអគ្គរដ្ឋទូត ឡៃ ថៃ ប៊ិញ បានវាយតម្លៃថា៖
TAG
VOV/VOVWORLD/ទំនាក់ទំនងការទូត/វៀតណាម/ហ្វីលីពីន/សន្ទុះថ្មី/ភាពជាដៃគូយុទ្ធសាស្ត្រ
Related
