(VOVWORLD) -ໄດ້ກາຍເປັນປະເພນີນັບຮ້ອຍໆປີມາແລ້ວ, ແຕ່ລະຄຸ້ມບ້ານຂອງບັນດາຊົນເຜົ່າຢູ່ ໄຕງວຽນ (ເຂດພູພຽງທິດຕາເວັນຕົກ) ລ້ວນແຕ່ມີເຈົ້າກົກເຈົ້າເຫຼົ່າຄົນຫນຶ່ງ ເຊິ່ງເປັນຜູ້ນຳໜ້າຂອງຄຸ້ມບ້ານ. ແຕ່ຄາວຍັງໜຸ່ມ ເຂົາເຈົ້າອາດຈະແມ່ນນັກຮົບຜູ້ພິລະອາດຫານ ຫຼື ບັນດາຜູ້ທຳການຜະລິດເກັ່ງ. ເມື່ອມີອາຍຸສູງ, ເຂົາເຈົ້າກາຍເປັນບັນດາເຈົ້າກົກເຈົ້າເຫຼົ່າ ທີ່ມີອິດທິພົນອຳນາດ - ອິດທິພົນອຳນາດທີ່ບໍ່ຖືລັກສະນະຂີດໝາຍຂອງສິດອຳນາດບາດໃຫຍ່ ແຕ່ເລີ່ມມາຈາກຄວາມນິຍົມຊົມຊອບ ແລະ ເຄົາລົບນັບຖື. ເຂົາເຈົ້າແມ່ນສາງບົດຮຽນໃນການຜະລິດ, ການປະພຶດ, ທັກທາຍ ແລະ ເປັນສູນກາງແຫ່ງຄວາມສາມັກຄີວົງຄະນະຍາດໃນຄຸ້ມບ້ານ.

(VOVWORLD) -ຊົນເຜົ່າ ຢ້າວ ຢູ່ແຂວງ ຮ່າຢາງ ມີພື້ນຖານວັດທະນະທຳທີ່ອຸດົມສົມບູນ ແລະ ເຂັ້ມຂຸ້ນໄປດ້ວຍສີສັນວັດທະນະທຳຊົນເຜົ່າ ເຊິ່ງສະແດງອອກໂດຍຜ່ານຮີດຄອງປະເພນີ ແລະ ອາຊີບດັ້ງເດີມຫຼາຍຢ່າງ. ໃນນັ້ນ ມີອາຊີບເຮັດເຈ້ຍ “ສາ” ເຊິ່ງແມ່ນເຈ້ຍຫັດຖະກຳຊະນິດໜຶ່ງ ແລະ ເຮັດມາຈາກຕົ້ນຊາງລໍ (ຕະກຸນຕົ້ນໄຜ່, ຕົ້ນເຮ້ຍ) ເພື່ອໃຊ້ໃນວັນບຸນຕ່າງໆຄື ບຸນມອບຍົດສັກ, ບຸນພາວະນາຂໍຄວາມສະຫງົບສຸກຕາມຮີດຄອງປະເພນີຂອງຊາວເຜົ່າ ຢ້າວ.

(VOVWORLD) -ເອື້ອຍ ເຈິ່ນເຟືອງລານ ດຳລົງຊີວິດຢູ່ເຮືອນເລກທີ 340 ຖະຫນົນ ເລຢ໋ວນ, ຕາແສງ ເກື໋ອນາມ, ເມືອງ ຮວ່ານກ໊ຽມ, ແມ່ນຜູ້ເປັນແມ່ທີ່ມີຈິດໃຈເມດຕາປານີອັນສູງສົ່ງ. ເອື້ອຍ ລານ ໄດ້ຮັບລ້ຽງເດັກຊາຍຄົນໜຶ່ງ ເປັນພະຍາດໂປ່ງພອງມາແຕ່ເກີດ ເອີ້ນຫຍໍ້ວ່າ ພະຍາດ EB (Epidermolysis Bullosa) ທີ່ຖືກຄອບຄົວປ່ອຍປະຕັ້ງແຕ່ເມື່ອກຳເນີດອອກມາ ແລະ ເປັນຜູ້ໃຫ້ການຊ່ວຍເຫຼືອເດັກທີ່ເປັນພະຍາດດັ່ງກ່າວນັບສິບໆຄົນໃນທົ່ວປະເທດ. ຫວ່າງມໍ່ໆມານີ້, ເອື້ອຍ ເຈິ່ນເຟືອງລານ ກໍເປັນກຽດໄດ້ຮັບນາມມະຍົດ “ພົນລະເມືອງດີເດັ່ນ ນະຄອນຫຼວງ ຮ່າໂນ້ຍ” ປີ 2018 ໂດຍ ນະຄອນຫຼວງ ຮ່າໂນ້ຍ ມອບໃຫ້.

(VOVWORLD) -ໂດຍເປັນຫົວໜ້າໜ່ວຍງານ ໜ່ວຍສ້ອມແປງກົນຈັກ, ໄຟຟ້າ ທີ່ຂຶ້ນກັບ ໂຮງງານຜະລິດອຸປະກອນເຕັກໂນໂລຊີ, ບໍລິສັດ ຫຸ້ນສ່ວນ ກົນຈັກໄຟຟ້າ ທົ໋ງເຍິດ, ທ່ານ ຫງວຽນດຶກເກື່ອງ ແມ່ນແບບຢ່າງແຮງງານຜະລິດເກັ່ງ, ມີຄວາມດຸໝັ່ນຂະຫຍັນພຽນ, ມີຫົວຄິດປະດິດສ້າງ. ຫວ່າງມໍ່ໆມານີ້, ທ່ານເປັນກຽດໄດ້ຮັບນາມມະຍົດ ເປັນພົນລະເມືອງດີເດັ່ນຂອງນະຄອນຫຼວງ ຮ່າໂນ້ຍ ປີ 2018 ໂດຍຄະນະກຳມະການປະຊາຊົນນະຄອນ ຮ່າໂນ້ຍ ມອບໃຫ້.

(VOVWORLD) -ເຖິງວ່າ ມີ ອາຍຸ 74 ປີແລ້ວກໍ່ຕາມ, ແຕ່ລຸງ ໂຮ່ວັນເສິມ ຢູ່ບ້ານ ນ່າຫະ 2, ຕາແສງ ຈ່ຽງມຸງ, ເມືອງ ມາຍເຊີນ, ແຂວງ ເຊີນລາ ຍັງມີຄວາມກະຕືລືລົ້ນຕໍ່ກັບອາຊີບລ້ຽງເຜິ້ງທີ່ສຸດ. ປັດຈຸບັນ ລຸງ ເສິມ ພວມລ້ຽງ ແລະ ດູແລຝູງເຜິ້ງ ກວ່າ 1.000 ຝູງ ສ້າງລາຍຮັບເປັນຕື້ທຸກປີ. ບົດຂຽນຂອງນັກຂ່າວ ຮວ່າງລອງ ປະຈຳເຂດຕາເວັນຕົກສ່ຽງເໜືອ ທີ່ມີຫົວຂໍ້ວ່າ ຊາວ ກະສິກອນອາວຸໂສແຂວງ ເຊີນລາ ລ້ຽງເຜິ້ງ ສ້າງລາຍຮັບນັບເປັນຕື້ໃນທຸກປີ.

(VOVWORLD) -ນັກສິລະປະການດີເດັ່ນດ້ານ ອາຫານການກິນ ຟ້າມທິແອ໊ງຕວຽດ, ເຈົ້າຂອງຮ້ານອາຫານ ແອ໊ງຕວຽດ ເຮືອນເລກທີ 25 ຖະຫນົນ ໝ໋າໄມ ເມືອງ ຮ່ວານກຽມ, ຮ່າໂນ້ຍ ແມ່ນຊື່ເອີ້ນທີ່ລື້ງເຄີຍສຳລັບຜູ້ນິຍົມອາຫານພື້ນເມືອງຂອງຊາວ ຮ່າໂນ້ຍ. ຍາມໃດນັກສິລະປະການ ຟ້າມທິແອ໊ງຕວຽດກໍ່ສຸມຈິດສຸມໃຈໃນການໂຄສະນາດ້ານວັດທະນະທຳອາຫານການກິນພື້ນເມືອງຂອງຫວຽດນາມ ອອກສູ່ໂລກ. ນັກສິລະປະການດີເດັ່ນ ຟ້າມທິແອ໊ງຕວຽດ ຫາກໍ່ໄດ້ຮັບການເຊີດຊູແມ່ນພົນລະເມືອງດີເດັ່ນຂອງນະຄອນຫລວງ ຮ່າໂນ້ຍ ປີ 2018 ແລະ ທ່ານນາງ ແມ່ນຜູ້ທຳອິດໃນຂົງເຂດອາຫານການກິນໄດ້ຮັບນາມມະຍົດອັນສູງສົ່ງນີ້. 

(VOVWORLD) -ໄປຢາມໝູ່ບ້ານ ແຫ້ງດ່ານ, ຕາແສງ ເຕິນເລິບ, ເມືອງ ດານເຟື້ອງ, ນະຄອນ ຮ່າໂນ້ຍ, ຖາມຫາເຮືອນນັກຮົບເກົ່າ ຫງວຽນຕື໋ຮຸ່ງ, ປະຊາຊົນໃນໝູ່ບ້ານໃຜໆກໍຮູ້ຈັກເຖິງ. ລຸງ ຮຸ່ງ ເປັນຄົນທີ່ຮັກແພງ ແລະ ເຄົາລົບນັບຖືຂອງພໍ່ແມ່ປະຊາຊົນໃນໝູ່ບ້ານ ຍ້ອນຄວາມສະໝັກໃຈໃນການປະກອບສ່ວນຢ່າງຫຼວງຫຼາຍ ບໍ່ວ່າຈະເປັນເງິນຄຳກໍຄືກຳລັງເຫື່ອແຮງໃນການສ້າງສາບ້ານເກີດເມືອງນອນເປັນສີຂຽວ - ສະອາດ - ງາມຕາ. ນັກຮົບເກົ່ານັ້ນ ເປັນກຽດໄດ້ຮັບການຮັບຮອງເອົາເປັນໜຶ່ງໃນຈຳນວນ ພົນລະເມືອງດີເດັ່ນ 10 ຄົນຂອງນະຄອນຫຼວງຮ່າໂນ້ຍປີ 2018.

(VOVWORLD) -ເລທືເຮືອງ ກຳເນີດໃນຄອບຄົວທີ່ມີມູນເຊື້ອດ້ານສິລະປະດົນຕີ, ຄວາມຮັກທີ່ມີຕໍ່ກັບສິລະປະໃນຕົວຂອງ ເຮືອງ ໄດ້ເກີດຂຶ້ນແບບທຳມະຊາດ. ດ້ວຍຄວາມເມົາມົວ ແລະ ຜູກພັນກັບຂຸ່ຍ flute ນັບແຕ່ຄາວຍັງນ້ອຍ, ເລທືເຮືອງ ໄດ້ສະແດງໃຫ້ເຫັນເຖິງຄວາມສາມາດຂອງຕົນຢ່າງໄວວາ ແລະ ໄດ້ຮຽນຈົບຢູ່ສະຖາບັນດົນຕີ ຫວຽດນາມ ດ້ວຍກຽດນິຍົມອັນດັບ 1 ໃນປີ 2001. ຫຼັງຈາກນັ້ນ ເຮືອງໄດ້ໄປຮຽນຕໍ່ຢູ່ສະຖາບັນດົນຕີ ລາຊະວົງ ແດນມາກ ເປັນເວລາ 4 ປີແລະ ຮຽນກັບບັນດານັກສິລະປິນເປົາຂຸ່ຍທີ່ມີຊື່ສຽງໃນໂລກ. ເຮືອງ ໄດ້ໄປສະແດງຢູ່ງານສະແດງສິລະປະດົນຕີສາກົນຫຼາຍຄັ້ງ ແລະ ໄດ້ປະສົບຜົນສຳເລັດເມື່ອຍາມໃດລາວກໍໄດ້ເອົາສີສັນດົນຕີຫວຽດນາມ ເຂົ້າໃນການສະແດງຂອງຕົນ.

(VOVWORLD) -ນາຍຄູ ຈິ້ງງັອກຈີ່ງ ແມ່ນຜູ້ສຸດຈິດສຸດໃຈ ແລະ ອຸທິດສ່ວນຈົນສຸດຄວາມສາມາດຂອງຕົນໃຫ້ແກ່ຂະແຫນງການສຶກສາ. ປີນີ້ ທ່ານ ມີອາຍຸ 84 ປີແລ້ວ, ແຕ່ ທ່ານຍັງດຳລົງຕຳແຫນ່ງເປັນຜູ້ອຳນວຍການສູນຫນູນຊ່ວຍພັດທະນາການສຶກສາເຂດພູດອຍ (HEDO) ທີ່ຢູ່ ເຮືອນເລກທີ 4 ຖະຫນົນຈີ້ງຮ່ວາຍດຶກ ຮ່າໂນ້ຍ. ນາຍຄູ ຈິ້ງງອກຈີງ ຫາກໍ່ໄດ້ຮັບການເຊີດຊູແມ່ນຫນຶ່ງໃນຈຳນວນພົນລະເມືອງດີເດັ່ນ 10 ຄົນຂອງນະຄອນຫລວງ ຮ່າໂນ້ຍປີ 2018.

(VOVWORLD) -ໃນຈຳນວນນັກປະພັນ 18 ທ່ານ ທີ່ເປັນກຽດໄດ້ຮັບລາງວັນ ໂຮ່ຈີມິນ ກ່ຽວກັບວັນນະຄະດີ ສິລະປະ ປີ 2016 ນັ້ນ, ວົງການວິຈິດສິນ ມີນັກແກະສະຫຼັກ ພຽງທ່ານດຽວ ທີ່ໄດ້ຮັບລາງວັນອັນສູງສົ່ງນີ້. ນັ້ນແມ່ນ ນັກແກະສະຫຼັກ ຕະກວາງບ້າວ. ນອກຈາກໄດ້ຮັບລາງວັນ ໂຮ່ຈີມິນ ແລ້ວ, ທ່ານ ຕະກວາງບ້າວ ຍັງໄດ້ຮັບຫຼາຍລາງວັນມີຊື່ສຽງອື່ນໆອີກ. ທ່ານເປັນນັກສິລະປິນທີ່ເກັ່ງຫຼາຍດ້ານ, ທັງແຕ້ມຮູບ, ທັງຄວັດແກະສະຫຼັກ, ປະຕິມາກໍາຮູບປັ້ນນຳອີກ.

(VOVWORLD) -ຊົນເຜົ່າ ຢ້າວ ຢູ່ແຂວງ ລ່າວກາຍ ມີຫຼາຍຮີດຄອງປະເພນີທີ່ແປກປະຫຼາດ ແລະ ງານບຸນທີ່ເປັນເອກະລັກສະເພາະ. ພິທີເປີດປະຕູປ່າ ຂອງຊາວເຜົ່າ ຢ້າວ ຢູ່ບ້ານ ແຈ່ງ, ຕາແສງ ຊວນຢາວ, ເມືອງ ບ໋າວຖັງ, ແຂວງ ລ່າວກາຍ ໄດ້ສ້ອນແຝງຫລາຍສິ່ງຫຼາຍຢ່າງທີ່ເປັນໜ້າປະທັບໃຈ. ບົດຂຽນ: “ພິທີເປີດປະຕູປ່າຂອງຊາວເຜົ່າ ຢ້າວ” ຂອງນັກຂ່າວ ທູຮັ່ງ.