ບັ້ນຈຸດສຸມໄດ້ດຳເນີນແຕ່ວັນທີ 7 ຫາວັນທີ 30 ພຶດສະພາປີ 2026 ໂດຍສຸມໃສ່ທຳລາຍລ້າງບັນດາໜ້ານເວັບ ແລະ ອົງການບໍລິຫານບັນດາເວັບໄຊທີ່ລະເມີດລິຂະສິດທາງອອນລາຍທີ່ມີຜູ້ເຂົ້າເບິ່ງຫຼາຍ; ແກ້ໄຂລົງໂທດການລະເມີດລິຂະສິດຟິມຮູບເງົາ, ດົນຕີ, ເກມເອເລັກໂຕນິກ, ລະເມີດສິດຊັບສິນອຸດສາຫະກຳ, ສິນຄ້າປອມ.
ບັນດາການຫັນປ່ຽນ
ການຮັດແໜ້ນສິດລິຂະສິດແມ່ນການເປີດກ້ວາງໃຫ້ແກ່ຜູ້ເຮັດແທ້, ລົງທຶນແທ້. ເພື່ອຜັນຂະຫຍາຍບັ້ນເຄື່ອນໄຫວນີ້, ກະຊວງອຸດສາຫະກຳການຄ້າ ຫວຽດນາມ ໄດ້ຊີ້ນຳກຳລັງຄຸ້ມຄອງຕະຫຼາດ ເພີ່ມທະວີການກວດກາ, ສຳຫຼວດ, ຕິດຕາມກວດກາ, ແກ້ໄຂລົງໂທດຢ່າງເຂັ້ມງວດຕໍ່ບັນດາການລະເມີດສິດຊັບສິນທາງປັນຍາ, ພິເສດແມ່ນ ລະເມີດສິດຊັບສິນອຸດສາຫະກຳ, ສິນຄ້າປອມ. ທ່ານ ຫງວຽນແທັງບິນ ຮອງຫົວໜ້າກົມຄຸ້ມຄອງ ແລະ ພັດທະນາຕະຫຼາດພາຍໃນປະເທດ, ກະຊວງອຸດສາຫະກຳການຄ້າ ຫວຽດນາມ ໃຫ້ຮູ້ວ່າ:
ກະຊວງອຸດສາຫະກຳການຄ້າ ຫວຽດນາມ ມອບໃຫ້ ກົມຄຸ້ມຄອງ ແລະ ພັດທະນາຕະຫຼາດພາຍໃນປະເທດ, ພິເສດແມ່ນຫ້ອງວິຊາການຄຸ້ມຄອງຕະຫຼາດຈຸດສຸມໃນເດືອນພຶດສະພາ ແລະ ຊຸມເດືອນຕໍ່ໄປ ຕ້ອງເພີ່ມທະວີການກວດກາ. ໃນບົດລາຍງານໄດ້ເຕືອນຢ່າງຈະແຈ້ງກ່ຽວກັບສິນຄ້າປອມ, ສິນຄ້າລະເມີດສິດຊັບສິນທາງປັນຍາ, ພິເສດໄດ້ເນັ້ນໜັກໃສ່ບໍລິເວນ, ນະຄອນໃຫຍ່ຈຳນວນໜຶ່ງທີ່ເປັນສະຖານທີ່ຮ້ອນເຮັ່ງ ເພື່ອສຸມໃສ່ແກ້ໄຂລົງໂທດ.
ກະຊວງການເງິນ ຫວຽດນາມ ຊີ້ນຳກຳລັງພາສີ ສົມທົບກັບບັນດາອົງການທີ່ມີໜ້າທີ່ຮັບຜິດຊອບຢ່າງແໜ້ນແຟ້ນ ເພີ່ມທະວີການກວດກາສິນຄ້ານຳເຂົ້າສົ່ງອອກຜ່ານເຂດຊາຍແດນ; ເປັນເຈົ້າການຢຸດການເຮັດລະບຽບການດ້ານພາສີສຳລັບສິນຄ້າ ເມື່ອມີຂໍ້ອ້າງອີງຢ່າງຈະແຈ້ງວ່າແມ່ນສິນຄ້າລະເມີດຊັບສິນທາງປັນຍາ. ທ່ານ ດັ້ງແທັງຢຸ້ງ ຮອງຫົວໜ້າສາຂາກົມສືບສວນຕ້ານການຄ້າຂາຍເຖື່ອນ, ການສໍ້ໂກງການຄ້າ, ກົມພາສີອາກອນ, ກະຊວງການເງິນ ຫວຽດນາມ ໃຫ້ຮູ້ວ່າ:
ກະຊວງການເງິນ ຫວຽດນາມ ແລະ ກົມພາສີອາກອນ ໄດ້ຜັນຂະຫຍາຍແຜນການຈຸດສຸມການຂົນສົ່ງທີ່ຜິດກົດໝາຍ ຫຼືສິນຄ້າປອມ, ສິນຄ້າລະເມີດສິດຊັບສິນທາງພູມປັນຍາຢ່າງຂ້ຽວຂາດ. ພວກຂ້າພະເຈົ້າມີຄວາມພະຍາຍາມຢ່າງຂ້ຽວຂາດວ່າ ໃນເດືອນພະຈິກ ຕ້ອງຕັດສິນລົງໂທດເພີ່ມຂຶ້ນຢ່າງໜ້ອຍສຸດ 20% ຈຳນວນການລະເມີດຊັບສິນທາງປັນຍາ ແລະ ສິນຄ້າປອມ.
ການສະແດງອອກຂອງການຄຸ້ມຄອງບໍລິຫານທັນສະໄໝ
ໃນຂົງເຂດຊັບສິນທາງປັນຍາ, ຫວຽດນາມ ບໍ່ນອນໃນ “ຊ່ອງຫວ່າງດ້ານນິຕິກຳ” ຄືເມື່ອກ່ອນແລ້ວ. ບັນດາລະບອບລະບຽບການເພີ່ມລະດັບລົງໂທດບໍລິຫານ ແລະ ອາຍາ ສຳລັບການລະເມີດລິຂະສິດດີຈີຕອນ ໄດ້ສ້າງສຳເລັດໃນໄລຍະມໍ່ໆມານີ້. ຄຽງຂ້າງນັ້ນ, ເລື່ອງບັນດາອົງການມີໜ້າທີ່ຮັບຜິດຊອບໄດ້ທຳລາຍລ້າງຕ່ອງໂສ້ ແລະ ແກ້ໄຂລົງໂທດອາຍາ ບັນດາເປົ້າໝາຍທີ່ມີການກະທຳລະເມີດນັ້ນ ໄດ້ສະແດງໃຫ້ເຫັນວິທີເຂົ້າເຖິງໄດ້ມີການປ່ຽນແປງແລ້ວ, ຈາກການປັບໄໝລົງໂທດບໍລິຫານ ໄປເປັນປັບໄໝທີ່ແຮງຕໍ່ກັບຕ່ອງໂສ້ທີ່ມີຂອບຂະໜາດໃຫ່ຍ.
ນອກຈາກນັ້ນແລ້ວ, ເລື່ອງລັດຖະບານ ຫວຽດນາມ ໄດ້ຊີ້ນຳໂດຍກົງໃຫ້ເຫັນວ່າ ບັນດາຫາລິຂະສິດ ບໍ່ພຽງແຕ່ຖືກຖືວ່າແມ່ນເລື່ອງຂອງກະຊວງ, ຂະແໜງການເທົ່ານັ້ນ, ຫາກຍັງແມ່ນພາກສ່ວນໜຶ່ງຂອງຍຸດທະສາດການພັດທະນາເສດຖະກິດດີຈີຕອນ ແລະ ສະພາບແວດລ້ອມແຫ່ງການລົງທຶນອີກດ້ວຍ. ເລື່ອງ ຫວຽດນາມ ໄດ້ປະຕິບັດສິດຊັບສິນທາງປັນຍາຢ່າງຂ້ຽວຂາດກວ່າ ກໍ່ຈະປະກອບສ່ວນປັບປຸງຄວາມໄວ້ເນື້ອເຊື່ອໃຈຂອງບັນດານັກລົງທຶນສາກົນ ເຂົ້າໃນຕະຫຼາດເຕັກໂນໂລຊີ ແລະ ເນື້ອໃນດີຈີຕອນຂອງ ຫວຽດນາມ./.
