ທ່ານ Mike Pompeo ລັດຖະມົນຕີກະຊວງການຕ່າງປະເທດອາເມລິກາ(ພາບ: THX/TTXVN )

ໃນການເຈລະຈາທາງໂທລະສັບກັບທ່ານ Adel Abdul Mahdi ນາຍົກລັດຖະມົນຕີ ອີຣັກ, ທ່ານ Pompeo ໄດ້ຮຽກຮ້ອງໃຫ້ ອີຣັກປົກປ້ອງບັນດາສະມາຊິກຂອງທະຫານປະສົມ ເຊິ່ງເປັນຜູ້ທີ່ໄດ້ສົ່ງໄປຍັງປະເທດຕາເວັນອອກກາງນີ້ເພື່ອແນໃສ່ຕ້ານຄືນອົງການການກໍ່ການຮ້າຍລັດອິດສະລາມ ອ້າງຊື່ເອງ (IS). ທ່ານ Pompeo ກໍ່ເນັ້ນໜັກວ່າ ອາເມລິກາຈະບໍ່ອະໄພ ໃຫ້ບັນດາເຫດບຸກໂຈມຕີ ແລະ ບັນດາໄພນາບຂູ່ໃດໆຕໍ່ປະຊາຊົນປະເທດນີ້, ກໍ່ຄືຈະຜັນຂະຫຍາຍບັນດາການກະທຳຕື່ມອີກຖ້າມີຄວາມຈຳເປັນເພື່ອປ້ອງກັນຕົວ.

ວັນທີ 14 ມີນາທີ່ຜ່ານມາ, ຢູ່ຖານທີ່ໝັ້ນການທະຫານແຫ່ງໜຶ່ງທີ່ມີພົນທະຫານຕ່າງປະເທດປະຈຳ, ໃນນັ້ນມີພົນທະຫານອັງກິດ ແລະ ອາເມລິກາ ຢູ່ພາກເໜືອນະຄອນ Baghdad ຂອງ ອີຣັກ ໄດ້ກາຍເປັນເປົ້າໝາຍບຸກໂຈມຕີດ້ວຍລູກຈະຫຼວດ ຫຼາຍສິບລູກ. ກ່ອນໜ້ານັ້ນ ກໍ່ໄດ້ເກີດ ເຫດບຸກໂຈມຕີຫຼາຍຄັ້ງດ້ວຍລູກຈະຫຼວດເລັ່ງໃສ່ພົນທະຫານ, ວົງການນັກການທູດ ແລະ ບັນດາຮາກຖານຂອງ ອາເມລິກາຢູ່ ອີຣັກ.