ທ່ານ Lee Do hoon, ຫົວໜ້າຄະນະເຈລະຈາສ.ເກົາຫຼີ ໃຫ້ຮູ້ວ່າ, ຄວາມເຫັນດີເປັນເອກະພາບດັ່ງກ່າວບັນລຸໄດ້ໃນການເຈລະຈາລະຫວ່າງທ່ານກັບຄູ່ຕຳແໜ່ງອາເມລິກາ Stephen Biegun ຢູ່ວໍຊິງຕັນ ໃນວັນດຽວກັນ. 2 ຝ່າຍໄດ້ພົບປະກັນພາຍຫຼັງທີ່ໃນຕົ້ນອາທິດນີ້, ທ່ານປະທານາທິບໍດີສ.ເກົາຫຼີ Moon Jae in ສະແດງຄວາມປາດຖະໜາຢາກປະຕິບັດບັນດາໂຄງການລະຫວ່າງ ສ.ເກົາຫຼີ - ສປປ.ເກົາຫຼີ, ຖືນີ້ແມ່ນວິທີສ້າງເງື່ອນໄຂໃຫ້ແກ່ບັນດາການເຈລະຈາປອດນິວເຄຼຍລະຫວ່າງສປປ.ເກົາຫຼີ ແລະ ອາເມລິກາ.

ກ່າວຄຳເຫັນຕໍ່ວົງການນັກຂ່າວຢູ່ນອກສຳນັກງານກະຊວງການຕ່າງປະເທດອາເມລິກາ, ທ່ານ Lee ໃຫ້ຮູ້ວ່າ: “ທ່ານ Biegun ແລະ ຂ້າພະເຈົ້າໄດ້ເຫັນດີນຳກັນວ່າ ນັບແຕ່ນີ້ເປັນຕົ້ນໄປ ອາເມລິກາ ແລະ ສ.ເກົາຫຼີ ຈະສືບຕໍ່ຈັດຕັ້ງບັນດາການທາບທາມຄວາມເຫັນກ່ຽວກັບບັນດາໂຄງການຮ່ວມມືລະຫວ່າງ ສ.ເກົາຫຼີ - ສປປ.ເກົາຫຼີ”.