ອາເມລິກາ ຍັງຄົງແມ່ນປະເທດນຳໜ້າໃນໂລກກ່ຽວກັບຈຳນວນຜູ້ຕິດເຊື້ອພະຍາດໂຄວິດ - 19 ເມື່ອລື່ນກາຍຈຳນວນ 300.000 ກໍລະນີ ແລະ ກວ່າ 8.400 ກໍລະນີ ເສຍຊີວິດ. ທ່ານປະທານາທິບໍດີ ອາເມລິກາ Donald Trump ໄດ້ກ່າວເຕືອນວ່າ “ສັບປະດາຄັບຂັນທີ່ສຸດ” ຂອງປະເທດນີ້ໃກ້ຈະຮອດແລ້ວ ແລະ ຄາດວ່າຈະມີຜູ້ເສຍຊີວິດເປັນຈຳນວນຫຼວງຫຼາຍ.

ໃນຂະນະນັ້ນ, 24 ຊົ່ວໂມງຜ່ານມາ, ເອີີຣົບ ໄດ້ມີຜູ້ເສຍຊີວິດຍ້ອນໂລກລະບາດດັ່ງກ່າວຕື່ມອີກ ນັບພັນຄົນ, ໃນຂະນະຈຳນວນຜູ້ຕິດເຊື້ອໃໝ່ກໍເພີ່ມຂຶ້ນນັບສິບພັນຄົນ. ຢູ່ອັງກິດ ໄດ້ຢັ້ງຢືນຈຳນວນຜູ້ເສຍຊີວິດໃໝ່ຢູ່ປະເທດນີ້ໃນວັນທີ 4 ເມສາ ແມ່ນສູງໃນລະດັບສະຖິຕິດ້ວຍຈຳນວນ 708 ຄົນ. ຢູ່ ແອັດສະປາຍ ແລະ ອີຕາລີ ແມ່ນຢືນອັນດັບທີ 2 ແລະ ທີ 3.

ໄລ່ຮອດທ້າຍວັນທີ 4 ເມສີ, ທົ່ວພາກພື້ນອາຟະລິກາ ໄດ້ຢັ້ງຢືນມີຜູ້ຕິດເຊື້ອທັງໝົດແມ່ນ 8.220 ຄົນ, ໃນນັ້ນ 372 ຄົນເສຍຊີວິດ. ທະນາຄານພັດທະນາອາຊີ ກ່າວເຕືອນວ່າ ໂລກລະບາດໂຄວິດ - 19 ມີຄວາມສ່ຽງກໍ່ຜົນເສຍຫາຍຈຳນວນ 4.100 ຕື້ USD ຕໍ່ພື້ນຖານເສດຖະກິດທົ່ວໂລກ, ແມ່ນເທົ່າກັບ 4,8% GDP ຂອງໂລກ.