ໂບດ ຖູທຽມ (ພາບປະກອບ: VNEXPRESS)

ຕໍ່ໜ້າການຜັນແປສັບສົນຂອງໂລກລະບາດໂຄວິດ - 19, ວັນທີ 25 ມີນາ, ທ່ານ ຫງວຽນນັງ ສັງຄະນາຍົກ ປະຈຳສັງຄະລາດນະຄອນໂຮ່ຈີມິນ ໄດ້ສົ່ງຈົດໝາຍແນະນຳເຖິງຄຸນພໍ່ຢູ່ໂບດແຫ່ງຕ່າງໆ ໂດຍຮຽກຮ້ອງວ່າ ນັບແຕ່ເວລາ 16 ໂມງຂອງວັນທີ 26 ມີນາ, ໂບດ ແລະ ສະຖານທີ່ອະທິຖານທັງໝົດໃນທົ່ວສັງຄະລາດ ຈົ່ງໃຫ້ຢຸດຕິການດຳເນີນພິທີກຳຕ່າງໆ ແລະ ທຸກການເຄື່ອນໄຫວທາງສາສະໜາທີ່ມີຄົນມາເຕົ້າໂຮມເປັນຈຳນວນຫຼາຍ.

ຄະນະບໍລິຫານງານສະມາຄົມພຸດທະສາສະໜາຫວຽດນາມ ນະຄອນໂຮ່ຈີມິນ ກໍໄດ້ອອກແຈ້ງການໃຫ້ຢຸດຕິທຸກການຮຽນ-ການ ເຜີຍແຜ່ສາສະໜາຂອງຄະນະຄູບາອາຈານໃນບໍລິເວນນະຄອນ; ຮຽກຮ້ອງໃຫ້ຄະນະບໍລິຫານງານສະມາຄົມພຸດທະສາສະໜາຫວຽດນາມບັນດາເມືອງ ຈົ່ງຢຸດຕິການຈັດຕັ້ງງານບຸນ, ຊຸດບຳລຸງສ້າງທີ່ມີຄົນມາເຕົ້າໂຮມເປັນຈຳນວນຫຼາຍ ເຊັ່ນດຽວກັນ.