(ພາບ: REUTERS/Heinz-Peter Bader)
ອິີີຣານໄດ້ຢຸດຕິການຮ່ວມມືກັບອົງການພະລັງງານປະລະມານູສາກົນ (IAEA) ຈົນຮອດເວລາທີ່ຄວາມໝັ້ນຄົງຂອງບັນດາຮາກຖານນິວເຄຼຍ ແລະ ນັກວິທະຍາສາດຂອງປະເທດນີ້ໄດ້ຮັບປະກັນ. ວັນທີ 5 ຕຸລາ, ທ່ານ Vahid Ahmadi, ສະມາຊິກສະພາແຫ່ງຊາດ ອີຣານ ໄດ້ຍົກອອກແຈ້ງການດັ່ງກ່າວ ແລະ ໃຫ້ຮູ້ວ່າຂໍ້ຕົກລົງນີ້ ໄດ້ຮັບການປະຕິບັດຕາມກົດໝາຍໂດຍອົງການນິຕິບັນຍັດຂອງປະເທດນີ້ໄດ້ຮັບຮອງເອົາ ເພື່ອແນໃສ່ຮັບມືຕໍ່ໄພນາບຂູ່, ຜົນເສຍຫາຍທີ່ມີຕໍ່ຮາກຖານນິວເຄຼຍຜ່ານການປະທະກັນ 2 ຄັ້ງຫວ່າງແລ້ວນີ້ ແລະ ເລື່ອງບັນດານັກວິທະຍາສາດນິວເຄຼຍຂອງ ອີຣານຖືກເຂັ່ນຂ້າ. ຕາມທ່ານ Ahmadi ແລ້ວ, ອີຣານ ບໍ່ເຊື່ອມຕໍ່ການຮ່ວມມືກັບ IAEA ຕາບໃດບັນດາເງື່ອນໄຂຮັບປະກັນຄວາມປອດໄພໃຫ້ແກ່ບັນດາຮາກຖານນິວເຄຼຍ ແລະ ຖັນແຖວນັກຊ່ຽວຊານປະເທດນີ້ບໍທັນ່ໄດ້ຮັບການຕອບສະໜອງ.
ແລະກໍໃນວັນດຽວກັນ, ທ່ານ Ali Abdollahi ເສນາທິການໃຫຍ່ ບັນດາກຳລັງປະກອບອາວຸດ ອີຣານ ປະກາດວ່າ ເຕເຮຣານ ຈະໂຕ້ຕອບເລັ່ງໃສ່ບັນດາຜົນປະໂຫຍດຂອງອາເມລິກາ ຖ້າຫາກ ວໍຊິງຕັນ ດຳເນີນການບຸກໂຈມຕີຄັ້ງໃໝ່ເລັ່ງໃສ່ອີຣານ. ທ່ານ Abdollahi ກໍ່ກ່າວເຕືອນວ່າ ອິດສະລາແອັນ ບໍ່ປຸກລະດົມການກະທະກັນຄັ້ງໃໝ່, ພ້ອມທັງຢັ້ງຢືນວ່າບັນດາກຳລັງປະກອບອາວຸດອີຣານ ຈະໂຕ້ຕອບຖ້າຫາກເກີດການບຸກໂຈມຕີ.
