ວັນທີ 20 ທັນວາ ກຸ່ມ Vingroup ປະກາດ ການເປີດຕົວ ກອງທຶນ VinFuture ກົງກັບວັນສາກົນແຫ່ງຄວາມສາມັກຄີມວນມະນຸດ. ນີ້ແມ່ນກອງທຶນໄດ້ຮັບການສ້າງຕັ້ງຂຶ້ນເພື່ອຈັດຕັ້ງ ລາງວັນວິທະຍາສາດ ແລະ ເຕັກໂນໂລຊີສາກົນເປັນຄັ້ງທຳອິດໂດຍ ຊາວຫວຽດນາມ ເປັນຜູ້ລິເລີ່ມ. ລາງວັນ VinFuture ແມ່ນເຊີດຊູບັນດາພູມປັນຍາດີເດັ່ນ ບໍ່ຈຳແນກສັນຊາດ, ເພດໄວ ແລະ ຜູ້ທີ່ມີບັນດາກິດຈະການຄົ້ນຄ້ວາວິທະຍາສາດ, ການປະດິດຄິດສ້າງ, ການປ່ຽນແປງໃຫມ່ເຕັກໂນໂລຊີ ເພື່ອແນໃສ່ແກ້ໄຂບັນດາສິ່ງທ້າທາຍລວມຂອງມວນມະນຸດ.

ລາງວັນ ຈະປະກອບສ່ວນ “ສ້າງບັນດາການປ່ຽນແປງຕັ້ງຫນ້າໃນຊີວິດການເປັນຢູ່ປະຈຳວັນຂອງຊາວໂລກນັບລ້ານຄົນ ດ້ວຍການຊຸກຍູ້ການຄົ້ນຄ້ວາວິທະຍາສາດ ແລະ ການປ່ຽນແປງໃຫມ່ເຕັກໂນໂລຊີ. ແຕ່ລະປີ ການມອບລາງວັນດັ່ງກ່າວ ມີ 1 ລາງວັນຕົ້ນຕໍ ແລະ 3 ລາງວັນພິເສດ ລວມມູນຄ່າ ເກືອບ 4,5 ລ້ານ USD. ພິທີປະກາດຜູ້ໄດ້ຮັບລາງວັນຈະໄດ້ ຈັດຕັ້ງຂຶ້ນຢ່າງເປັນທາງການໃນເດືອນ ມັງກອນປີ 2022.